"Ўзбекистон ҳаво йўллари" Миллий авиакомпанияси 20 февралдан бошлаб "Умра-2017" дастури доирасида рейсларни амалга оширишни бошлади, деб ёзмоқда Спутник нашри.Ўзбекистонлик зиёратчилар Саудия Арабистонининг Жидда шаҳрига Boeing-767 ҳаво кемаларида етказилади.
Бу йил дастур доирасида Тошкент-Жидда-Тошкент йўналиши бўйича 30та рейс амалга оширилиши кўзда тутилган, 5500 йўловчи ташиш режалаштирилган.
"Умра-2017" дастурини амалга ошириш мақсадида йўловчиларга барча шароит ва қулайликларни яратиш учун Миллий авиакомпаниянинг малакали мутахассислари жалб этилган.
"Умра-2017" дастури 11 апрелгача давом этади.