Турли соҳаларда бўлгани каби молия муассасалари тизимида ҳам инновацион ғоялар, лойиҳа ва ишланмалар самарали қўлланилмоқда.АТБ “Қишлоқ қурилиш банк” томонидан берилган маълумотларга кўра, келгусида хориж тажрибаси асосида қисқа муддатли “онлайн қарз бериш” тизими йўлга қўйилиши режалаштирилган.
Мазкур тизим йўлга қўйилгандан сўнг банк мижозлари ушбу қарзни 1 ойдан 12 ойгача бўлган муддатга олишлари мумкин бўлади. Яъни мижоз мурожаатига асосан, унинг пластик карточкасига масофадан туриб маблағ йўналтирилади. Қарзга олинган маблағлар фоиз қўшилган ҳолда қайтарилади.
Манба: “Халқ сўзи”