Beeline миллий матбуот-анжумани доирасида 2016 йилдаги фаолияти натижаларини сарҳисоб қилди. Unitel‘нинг тижорат директори Максим Ефремов ўз тақдимотида компаниянинг ўтган йилдаги капитал ҳаражатлари 533 миллиард сўмга етганини белгилаб ўтди.2016 йилнинг IV чораги натижалари бўйича Beeline абонентлари миқдори 9 506 503 кишини ташлик этди, бу эса I чоракдаги натижадан 0,1% кўп. Бир ой давомида битта мобил абонентига бўлган ўртача ҳисоб (ARPU кўрсаткичи) йилдан йилга 10,4%га – 17 925 сўмгача ўсди. Бунда МОU кўрсаткичи (бир ойда битта абонент томонидан фойдаланилган дақиқалар сони) йил мобайнида 554 дақиқагача ўсди (ўтган йилдаги 501 дақиқага нисбатан (+10,6%)).
Йил якунларини шарҳлар экан, Максим Ефремов қуйидагиларни белгилади: “Юқорида белгилаб ўтилган сонлардан кўриниб турибдики, Beeline абонентларининг мулоқоти жадал ўсиб бормоқда: эндиликда ўртача, уларнинг ҳар бири ўтган йилга нисбатан ойига бир соат кўпроқ мулоқот қилмоқдалар. Ўсиб бораётган рақобатлик шароитида биз мижозлар базасини аввалдаги даражада сақлаб қолганимиз ва бир киши учун дата-хизматлардан фойдаланиш 195 Мегабайтдан 316 Мегабайтгача ошганлигини аҳамиятга олган ҳолда, Beeline тармоғига бўган талаб бир неча баробарга ошган. Мен ғурур билан шуни таъкидлаб ўтишим жоиз, бизнинг техник ва технологик имкониятларимиз бутунлай вақт талабига жавоб беради – бу эса аввалам бор 500 миллиард сўмдан ошган ривожланиш йўлидаги сармояларимиз туфайлидир”.
Ўзбекистон мобил бозорида етакчилик қилаётган компаниянинг операцион фойдаси йил мобайнида 7,6%га ошди ва 1,967 триллион сўмни ташкил этди.
“2017 йилда Beeline аввалдаги каби жиддий капитал маблағлар сармоясига эътиборини қаратади. Биз LTE стандартини мамлакатнинг энг йирик шаҳарларида ривожлантиришни, шунингдек “яшил” технологияларни - барчага таниш бўлган база станцияларини тўҳтовсиз равишда электр қуввати билан таъминлайдиган қуёш батареяларини жорий этишни режалаштирганмиз”, – дейди Unitel‘нинг техник директори Евгений Ключев.