Дунёдаги ҳар бир волида, ҳаттоки жониворлар орасидаги оналар ҳам боласига хавф таҳдид солиб турганда жондан кечишга тайёр ҳолатга келадилар. Интернет тармоғида пайдо бўлган она шер суратларини кўриб, табиатнинг ушбу йиртқич жониворлари ҳам оналик меҳридан мосуво эмасликларига ишонч ҳосил қилиш мумкин, дейилади хабарда. Кунларнинг бирида она болалари билан дарёдан кечиб ўтишдан аввал ўзи сувга тушиб, сув остида бирор нарса бор- йўқ эканлигини текширишга тўғри келди. Шу пайтда у сув остида беркиниб ётган тимсоҳни пайқади ва болаларини ҳимоя қилиш учун биринчи бўлиб ҳужум қилиш мақсадида тимсоҳ томон ўзини отди.
Пайт пойлаб турган тимсоҳ эса шу он сувдан кўтарилди ва шернинг тумшуғидан тишлаб олди. Бўлиб ўтган олишувдан сўнг она шер курашнинг ғолибасига айланди ва митти шерваччаларни тимсоҳ чангалидан қутқариб қолди.