Турмуш ўртоғим билан супермаркетдан харид қилдик. Мен қандолатчилик махсулотлари бўлимига яқинлашганимда эрим ғазна олдига бориб навбат олишини айтиб кетди. Бир иккита ширинлик олдим-у ғазнага бордим. Эримни ортида яна уч-тўрт аёл навбатда турарди. Мен эрим ёнига бориб шундай дедим:— Кечирасиз, мени харидларим кам эди, орқада навбатда турмай сизни аравангизга солиб ғазнадан бирга тўлаб ўтсакчи?
— Майли, — деди эрим. Унинг орқасидаги аёллар менга энса қотириб қараб қўйишди. Навбатимиз келгач эримга:
— Менга ҳам тўлаб юбормайсизми? Бор йўғи икки қути ширинлик олгандим. Ширинликларни яхши кўраман-да.
— Хўп бўлади, — деди эрим. Аёлларнинг эса баттар қошлари учирилиб кетди. Харидларни целлофанларга жойлаб бўлгач эримга:
— Кечирасиз, машинада бўлсангиз мени ҳам элтиб қўйолмайсизми?
— Бажонидил,- дедию эрим кулгидан ўзини тутиб туролмади. Ортимиздаги аёллар ҳамон ҳайрон туришарди.
Манба: Diydoraziz.uz