Японияда ижтимоий масофалашувнинг янги чораси таклиф қилинмоқда

^{Фото: Pixabay}
Японияда коронавирусдан ҳимояланиш учун ижтимоий масофалашув чораси сифатида очилган соябонлардан фойдаланиш таклиф қилинмоқда. Умуман, японлар орасида ёз вақтида қуёшдан сақланиш учун соябонлардан фойдаланиш кенг тарқалган.

Таъкидланишича, бир метр диаметрга эга очиқ ҳолдаги соябон одамларни бир-биридан зарур масофа сақлашга мажбур қилади. Бундан ташқари, соябон жазирама иссиқ ва юқори намгарчилик шароитида ҳақиқий синовга айланадиган ва иссиқ уришига олиб келиши мумкин бўлган ҳимоя ниқобини тақиш эҳтиёжидан халос этади.

Шунингдек, соябон ниқоб тақилган вақтда қуёшдан қорайиш натижасида юзда қоладиган “оч рангли из” муаммосини ҳал қилишга ёрдам беради.