«Замин»ни Telegram’да ўқинг! Join!
Zamin.uz
, 07 2024, 20:11
ЎЗO‘Z

Олимлар аср охирига келиб айрим давлатлар аҳолиси икки баравар камайиб кетишини прогноз қилди

17 июл, 22:53 3 043 Дунё
«Замин»ни Telegram’да ўқинг!
Олимлар аср охирига келиб айрим давлатлар аҳолиси икки баравар камайиб кетишини прогноз қилди Фото: Anadolu
Ер юзи аҳолиси 2064 йилда ўзининг энг юқори кўрсаткичига — 9,7 миллиард кишига етади, шундан сўнг улар сони аста-секин пасайиб, аср охирида 8,8 миллиард кишини ташкил қилади. Бу ҳақда Вашингтон штати университетидаги Соғлиқ кўрсаткичлари ва баҳоланиши институти (IHME) олимлари прогнозига таяниб BBC News хабар берди.

Қайд этилишича, тадқиқотчилар дунёдаги туғиш коэффициенти (бир аёл ҳаёти давомида дунёга келтира оладиган болалар сони) ўзгаришини таҳлил қилиб шундай хулосага келган. Хусусан, 1950 йилда бу кўрсаткич 4,7 бўлган бўлса, 2017 йилда икки барвар камайиб 2,4 ни ташкил этган.

Мутахассислар 2100 йилга келиб туғиш коэффициенти 1,7 гача тушиб кетишини прогноз қилмоқда. Олимлар агар ушбу коэффициент 2,1 дан тушиб кетса, Ер юзи аҳолиси қисқара бошлашига эътибор қаратган.

Маълумотларга кўра, Япония аҳолиси 2017 йилда ўз чўққисига эришиб, 128 миллион кишини ташкил қилган. IHME прогнозига кўра, аср охирига келиб Япония аҳолиси 53 миллион кишигача камайиб кетади. Италия аҳолиси эса шу давр ичида 61 миллион кишидан 28 миллион кишигача қисқаради. Шунингдек, аср охирига келиб Испания, Португалия, Таиланд, Жанубий Корея ва бошқа айрим давлатлар аҳолиси 2 баравар камайиб кетади.

Ҳозирда дунёда аҳолиси энг зич жойлашган Хитойда эса аҳоли сони 2024 йилга келиб максимумга етади ва 1,4 миллиард кишини ташкил қилади. Бироқ аср охирига келиб Хитой аҳолиси қарийб 2 баравар камайиб, 723 миллион кишини ташкил қилади. IHME прогнозига кўра, 2100 йилга келиб умумий ҳисобда 195 та давлатдан 183 тасида аҳоли сони қисқаради.

Олимларнинг изҳолашича, туғиш коэффициентининг пасайиши, биринчи навбатда, кўплаб аёллар таълим олиш ва ишлаш имконига тобора кўпроқ эга бўлаётгани, шунингдек, контрацепция воситалари кенг қўлланилаётгани билан боғлиқ.

Бундан ташқари, XXI аср охирига келиб кекса ёшлилар сони сезиларли даражада ортиб, болалар сони камайиб кетади. Хусусан, 5 ёшдан кичик болалар сони 2017 йилдаги 681 миллион нафардан 2100 йилда 401 миллион нафаргача камайиб кетади. 80 ёшдан катталар сони эса, аксинча, 2017 йилдаги 141 миллион нафардан аср охирида 866 миллион нафаргача ортади.

Тадқиқот муаллифларидан бири, профессор Кристофер Мюррей дунё аҳолиси ёш структурасининг бундай ўзгаришини «улкан ижтимоий ўзгариш» деб атамоқда. Унинг огоҳлантиришича, бу жаҳон иқтисодиёти учун жиддий оқибатларга олиб келиши мумкин.




Мавзуга оид янгиликлар
  • Путин бешинчи муддатга Россия президенти лавозимига киришди 07 мая, 17:41 57
  • Зеленский ва Будановни йўқ қилмоқчи бўлган агентлар фош этилди 07 мая, 17:34 178
  • Россияда америкалик аскар ўғриликда айбланиб қўлга олинди 07 мая, 15:00 243
  • Исроил армияси Рафаҳга авиазарбалар берди 07 мая, 14:32 164
  • Путин ҳукуматга миннатдорлик билдирди 07 мая, 12:39 274
  • Бугун Россия ҳукумати истеъфога чиқади 07 мая, 12:16 416
  • Сўнгги янгиликлар
  • Шавкат Мирзиёев бешта давлат элчиларидан ишонч ёрлиқларини қабул қилди 07 мая, 19:36 5
  • АҚШ элчиси «оддий, аммо инқилобий ғоя» ҳақида гапирди 07 мая, 19:08 13
  • Овқат егингиз келмаслиги саломатликдаги жиддий ўзгаришлар аломати бўлиши мумкин 07 мая, 18:41 12
  • Файзуллаев Олимпиадада иштирок этиши борасидаги саволга нима деб жавоб берди? 07 мая, 18:18 58
  • Доллар курси яна «сакради» 07 мая, 18:02 55
  • Файзуллаевга танқид қандай таъсир қилди? 07 мая, 18:00 94
  • Республика тез тиббий ёрдам маркази филиали амалдори қўлга олинди 07 мая, 17:45 79
  • Путин бешинчи муддатга Россия президенти лавозимига киришди 07 мая, 17:41 57
  • Зеленский ва Будановни йўқ қилмоқчи бўлган агентлар фош этилди 07 мая, 17:34 178
  • Россияда америкалик аскар ўғриликда айбланиб қўлга олинди 07 мая, 15:00 243
  • Исроил армияси Рафаҳга авиазарбалар берди 07 мая, 14:32 164
  • Кадастр соҳасида коррупциявий жиноят содир этган 33 ходим қайта ишга кириб, яна жиноятга қўл урган 07 мая, 14:04 79
  • Бўлимлар