Жаҳон соғлиқни сақлаш ташкилоти ниқобларга нисбатан позициясини ўзгартирди. Энди ЖССТ ҳукуматларга жамоат жойларида мато ниқобларини тақишни мажбурий қилишни маслаҳат бермоқда, деб ёзади BBC рус хизмати.Эпидемия бошланишида ЖССТ фақат коронавирус билан оғриган беморлар, аломатлари бўлган ёки улар билан алоқада бўлган одамлар ниқоб кийишлари кераклигини таъкидлаган эди. Ташкилот ниқоблар томонидан ҳимоя қилинишига шубҳа билан қаради ва тез-тез қўлларни ювишга эътибор беришни маслаҳат берди.
Бироқ, сўнгги тадқиқотлар шуни кўрсатадики, ниқоблар тўғри ишлатилганда, инфекциядан самарали ҳимоя қилиш мумкин. Ташкилот томонидан олиб борилган кўп сонли тадқиқотлар шуни кўрсатадики, коронавирус симптомлари аниқланмаган ҳолатда ҳам одамдан одамга юқиши мумкин.
Шу билан бирга, ЖССТ фақатгина ниқоб тақиш ёрдам бермаслигини таъкидламоқда - гигиена чора-тадбирлари тўлиқ амалга ошириш муҳим.
"Фақат ниқоблар сизни Covid-19'дан ҳимоя қилмайди", - деди ЖССТ раҳбари Тедрос Адан Гебреисус.
ЖССТ тиббий ниқоблардан кенг фойдаланишни талаб қилмаса ҳам, ташкилот мато ниқобларидан кенгроқ фойдаланишга эътибор беришни тавсия қилади - ушбу турдаги маҳсулотнинг етишмаслиги бўлмаслиги керак, чунки агар керак бўлса, уларни уйда тикиш мумкин.
ЖССТ ижтимоий масофаланишнинг имкони бўлмаган ҳамма жойда, масалан жамоат транспорти ёки дўконларда ниқобдан фойдаланишни тавсия қилади.