Америкадаги Johnson & Johnson фармацевтика компанияси 2021 йилда коронавирусга қарши бир миллиард дона вакцина ишлаб чиқаришни режалаштирмоқда. Бу ҳақда компания директори Пол Стоффелс маълум қилган.Унинг айтишича, вакцина ишлаб чиқариш жорий йилнинг охирига қадар бошланиши кутилмоқда. Johnson & Johnson вакцина ишлаб чиқариш учун бир миллиард доллар маблағ ажратади.
Бироз вақт муқаддам Вашингтон штатидаги Сиэтл шаҳрида соғлом одам — 44 ёшли Женнифер Халлер коронавирусга қарши вакцина билан эмланган эди. 11 апрелда Россияда «Вектор» ходими Алексей Кабановга синов тариқасида вакцина юборилган.
6 май санасида эса италиялик олимлар коронавирусни зарарсизлантира оладиган вакцина топгани хабар қилинди. Унинг самарадорлиги тажриба сичқонларида синаб кўрилган. Одамда синаб кўриш ишлари эса 2020 йилнинг кузида бошланиши кутилмоқда.
Айни вақтга келиб бутун дунё бўйлаб коронавирусга чалинганлар сони 4 миллиондан ошиб кетди.