Марафончи каравот атрофида 100 кмлик масофани югуриб ўтди (видео)

^{Фото: Видеодан кадр}
Россиялик спортчи карантин шароитида каравоти атрофида 100 кмлик масофани югуриб ўтди.
Россиялик югурувчи Дмитрий Якухний жисмоний ҳолатини йўқотмаслик учун каравоти атрофида 100 кмни югуриб ўтди. У антиқа машғулоти видеосини Instagram’да эълон қилган.

Марафончининг таъкидлашича, унга бундай масофани югуриб ўтиш учун 10 соат 19 дақиқа талаб этилган.
“Бутун оилам менинг ташаббусимни қўллаб-қувватлади, болалар мен билан бироз югуришди. Рафиқам эса бунинг барчасини видеога олиб турди”, деб айтган спортчи.

Унинг таъкидлашича, у хонада ўтказган ултрамарафон вақтида суръатни пасайтирмаслик учун югураётган ҳолда тановул қилишига тўғри келган. Унга узоқ масофани босиб ўтишда мусиқа ёрдам берган.