Япония бош вазири Синдзо Абэ / Фото: AFPЯпония бош вазири Синдзо Абэ 7 апрель куни мамлакатнинг еттита префектурасида 6 майга қадар фавқулодда ҳолат режими жорий этилишини расман тасдиқлади.
Япония ҳукумати коронавирус пандемияси шароитида аҳоли ва кичик бизнесни қўллаб-қувватлаш чораларини ўз ичига олган 108,2 трлн иенга тенг (994 млрд доллар) рағбатлантириш пакетини эълон қилди.
Пакет ҳажми Япония ЯИМнинг 20 фоизини ташкил этади, деб ёзмоқда Bloomberg.
Мамлакат вазирлар маҳкамаси маъқуллаган дастурда даромади кескин камайган фуқароларга 300 минг иен (2750 доллар) миқдорида маблағ тўлаш кўзда тутилган. Бу мақсад учун 4 трлн иен ажратилган.
Яна 2,3 трлн иен кичик бизнесни қўллаб-қувватлашга йўналтирилади.
Япония ҳукумати мамлакатдаги компаниялар инқироз даврида ўз бизнесларини сақлаб қолиши учун жами 45 трлн иен ажратади.
Япония бош вазири Синдзо Абэ 7 апрель куни мамлакатнинг еттита префектурасида 6 майга қадар фавқулодда ҳолат режими жорий этилишини расман тасдиқлади.
Охирги маълумотларга кўра, Японияда 4819 киши коронавирусга чалинган, 108 киши вафот этган, 1211 киши тузалган.