Фото: Getty ImagesИжтимоий масофани сақлаш талабини бузган якка тадбиркорлар 30 мингдан 50 минг рублгача, юридик шахслар эса 100 мингдан 300 минг рублгача жаримага тортилади.
Коронавирус пандемияси шароитида ишлашда давом этаётган корхона ва муассасалар дезинфекцияланиши ҳамда ходимлар ва ташриф буюрувчилар орасида 1,5 метрлик ижтимоий масофа сақланишини таъминлаши шарт. Бу ҳақда шаҳар мэри Сергей Собянин сайтида маълум қилинди.
Мэрнинг сўзларига кўра, илгари бу тавсиявий тусга эга бўлган бўлса, эндиликда мажбурий талаб ҳисобланади. Мэр бу талаблар эпидемиологик вазият яхшиланганидан сўнг бекор қилинишини билдирди.
Ижтимоий масофани сақлаш талабини бузган якка тадбиркорлар 30 мингдан 50 минг рублгача, юридик шахслар эса 100 мингдан 300 минг рублгача жаримага тортилади.
Мэрнинг фармонига кўра, пойтахтда дорихоналар, уяли алоқа салонлари, озиқ-овқат дўконлари, биринчи эҳтиёж маҳсулотлари ҳамда зоодўконлар билан бирга тиббий ашёлар сотувчи оптика ва дўконлар ҳам ишлашда давом этади. Бундан ташқари, тиббий фаолият кўрсатишга рухсатномаси бўлган СПА-марказлар ва массаж салонларига ҳам ишлашга рухсат берилади.