Hype Auditor аналитик платформаси Instagram ижтимоий тармоғининг энг таниқли фойдаланувчиси номини маълум қилди, деб хабар берди Kun.uz нашри.Ресурс фойдаланувчиларга реал обуначилар нечта лайк босгани, яна нечта лайк ботлардан келганини аниқлайди. Аналитикларнинг ҳисоб-китобларига кўра, энг кўп ҳақиқий лайкни америкалик қўшиқчи Селена Гомес олган.
У обуначилари сони бўйича етакчи эмас – 151 миллион киши, аммо унинг Instagram’даги ҳар бир фотосурати ўртача 4,6 миллионтагача лайк йиғади.
Иккинчи ўринни модель ва бизнесмен Кайли Женнер эгаллади – 3,6 миллион лайк.
Учинчи ўринда 170 миллион обуначига эга "Ювентус" ва Португалия термаси футболчиси Криштиану Роналду жойлашди – 2,8 миллион лайк.
Роналдудан кейинда яна бир футболчи –"Барселона" сардори Лионель Месси бормоқда - 2,5 миллион лайк. Бешинчи ўринга ҳар бир пости 2,3 миллион лайк йиғадиган Beyonce жойлашган.