Владимир Зеленский давлат раҳбари сифатида илк бор Луганск областидаги Украина армияси жойлашган ҳудудга келди. Бу ҳақда Украина президентининг матбуот хизмати хабар берди. Хабарда айтилишича, у кузатув постлари ва блиндажларда бўлган.
Шунингдек, Зеленский яшаш шароитлари билан танишган ва ҳарбийларнинг таъминотини яхшилаш зарурлигини қайд этган.
"Украинани ҳимоя қилаётган ҳарбийлар шароитлари яхши бўлиши лозим", — деган у.
Аввалроқ Владимир Зеленский давлат раҳбари сифатидаги биринчи ўриндаги вазифаси Донбассдаги урушни тўхтатиш эканлигини айтганди.