NASA коинот агентлигининг 6 апрелга ўтар кечаси Норвегияда ўтказган тажрибаси мамлакат шимоли аҳолисига қутб ёғдуси фонида антиқа “мушакбозлик”ни кузатиш имконини берди.N+1 нашрининг ёзишича, NASA AZURE лойиҳаси доирасида Андоя коинот маркази ҳудудидан иккита геофизик ракетанинг учирилиши натижасида осмонда қисқа вақтга ёрқин яшил-кўк доғлар пайдо бўлган. Бу ракеталар осмонда триметилалюминий, барий ва стронций зарраларини пуркаган ва айнан шу ҳолат антиқа ёруғланишнинг пайдо бўлишига олиб келган.
AZURE тажрибаси ионосферада қувватланган зарраларни ўрганиш учун ишга туширилган.