Расман мусулмон давлати ҳисобланган Малайзия ҳукумат раҳбарлари ўлим жазосини бекор қилишга оид янги қонун лойиҳасини тахт қилиб қўйишди.Бу қонун лойиҳаси шу йилнинг 15 октябрида парламент ҳукмига ҳавола этилади. Агар тасдиқланса, мамлакатда олий жазо ҳисобланган қатл турма билан алмаштирилади. Ҳукумат аъзолари янги қонун кучга киргунга қадар ижро этилиши мўлжалланган қатл маросимлари ҳам тўхтатиб турилишини талаб қилган.
Айни пайтгача Малайзияда ўлим жазоси қотиллик ва наркотиклар олди-сотдиси каби жиноятларни содир этганларга нисбатан қўлланиб келинган. Агар янги қонун тасдиқланса, ўлим жазоси ўрнига бир умрлик қамоқ муддати олий жазо сифатида белгиланиши кутилади.