Американинг Калифорния штатида яшовчи номи сир тутилаётган эркак эрталаб уйғонди-ю, миллионерга айланди. У Сан-Хосе шаҳридаги дўкондан «Mega Millions» лотереясини сотиб олганди. Олтита рақам ҳам тўғри келибди. Натижада у жами 522 миллион долларга тенг жэкпотни ютиб олди. Бу лотерея тарихидаги ютиб олинган бешинчи катта ютуқ экан.— Мен ҳалиям ўзимга кела олмаяпман, — дейди лотерея чиптасини сотган дўкон мудири. — Демак, бизда ҳақиқатан лотерея ўйнаб катта пул ютиб олиш мумкин экан-да!..
Ушбу лотерея жэкпоти мамлакатнинг 44 та штатида сотилган чипталар ҳисобидан йиғилади. Ютуқ эгаси агар пулларни бирдан олишни хоҳласа, 308 миллион доллар берилади. Қолган пуллар лотерея ҳисобида қолади.
Манба: Hordiq.uz