Поездда туғилган чақалоқ Париж электропоездлари қатновини тўхтатиб қўйди, деб хабар берди Даракчи нашри.“Обер” поезд бекатида ўғил бола чақалоқ дунёга келди. Мазкур ҳодиса туфайли “Шарль де Голль/Этуаль ва “Наньсон” бекатларидаги ҳаракат тўхтаб қолди.
Она ва бола касалхонага соғ-саломат етказилди, улар ўзларини яхши ҳис қилишмоқда.
Чақалоқнинг дунёга келишини транспорт компанияси раҳбарияти хурсандчилик билан қарши олди ва унга 25 ёшга қадар Франция пойтахти ва пойтахт атрофидаги шаҳарларда жамоатчилик транспортидан бепул фойдаланиш имкониятини ҳадя этишди.