Қирғизистон фавқулодда вазиятлар вазирлиги маълумотларига кўра, мамлакатда 23-24 май кунлари ёғган қор сабабли Иссиқкўл вилоятида 364 та қўй-қўзи ва бошқа чорва нобуд бўлган. Норин вилоятида эса 600 га яқин майда шохли чорва қидирилмоқда, 200 қўй нобуд бўлган. Чўпонларнинг маълум қилишича, совуқ туфайли қўйлар турган жойида музлаб қолган, Чоқ-Тала тоғларида эса отлар ва тойчоқлар кучли шамолдан жон сақлаш вақтида қоялардан пастга қулаб нобуд бўлган.