Фото: «Gazeta.ru»АҚШ президенти Доналд Трамп Германия канцлери Ангела Меркел билан учрашув чоғида Россия билан келишиш истагида эканлигини маълум қилди. Бу ҳақда «Gazeta.ru»га асосан Хабар нашри маълум қилмоқда.
«Мен олдин ҳам бир неча бор Россияга нисбатан мендан бошқа ҳеч ким бунчалик қаттиқ қарши турмаганини айтганман. Агар биз Россия билан келишиб ҳамкорлик қилганимизда, яхши бўлса бўлар эдики, асло ёмон бўлмас эди», — деди Трамп.
Аввалроқ АҚШ Конгресси вакиллар палатасининг разведка қўмитаси 2016 йилги президент сайловида Россиянинг аралашуви юзасидан баёнотини эълон қилган эди. Доналд Трамп эса бунга изоҳ берар экан, тирноқ остидан кир қидиришни зудлик билан тўхтатишни талаб қилган эди.