Фото: «Kremlin.ru»Бугун, 3 апрель куни Россия Марказий сайлов комиссияси раиси Элла Памфилова жорий йилнинг 18 март куни бўлиб ўтган сайловда ғолиб чиққан Владимир Путинга президентлик гувоҳномасини топширди, деб ёзади Хабар нашри.
Маросим вақтида Памфилова Путинни сайловдаги ишончли ғалабаси билан табриклаган.
Ўз навбатида Россия раҳбари Памфиловага фаолияти учун миннатдорчилик билдирган. «Кўпчилик айтганидек, бу мамлакатимиз тарихидаги энг очиқ ва адолатли сайлов бўлди», – дея таъкидлаган Путин.
Эслатиб ўтамиз, Путин Россиядаги президент сайловида 76 фоиздан кўпроқ овоз тўплаб, ғалабага эришганди.