Сурия президенти Башар Асад мамлакатдаги вазиятни тартибга солиш бўйича Россия пойтахти Москвада ташкил этиладиган мулоқотда қатнашишга тайёр эканлигини маълум қилди, дея хабар бермоқда «Газета.ru».
«Суриядаги инқирозни ҳал этишда энг асосийси — сурияликларнинг ўзи нимага келишиши. Бунинг учун мулоқот зарур. Шу сабабли ҳам Москвага ташрифим давомида «Москва-3» музокараларига тайёр эканлигимизни маълум қилдим. Чунки, Венадаги ёки бошқа исталган учрашувларда айтилган гапларга қарамай, биз мулоқотга муҳтожмиз», — деди Башар Асад Гонгконгнинг Пҳоэних ТВ телеканалига берган интервьюсида.
Башар Асаднинг қайд этишича, «Ироқ ва Шом ислом давлати» террорчилик ташкилотига қарши курашга Россия Қуролли кучлари ҳам қўшилганидан сўнг, Суриядаги вазият нисбатан яхшиланган.
Манба: Daryo.uz