Британия шаҳзодаси Гарри ўзининг актриса Меган Маркл билан унаштирилгани ҳақида расмий равишда маълумот берди. Хабарда айтилишича, тўй санаси ҳам маълум: навбатдаги “Аср тўйи” 2018 йилнинг баҳор фаслида бўлиши режалаштирилган.
Гарри ўз қарори ҳақида қиролича Елизавета II ва оиланинг бошқа аъзоларига маълум қилган. Шунингдек шаҳзода Меганнинг ота-онасидан ҳам розилик олди.
Келгусида жуфтлик Кенсингтон саройининг Ноттингем коттежида истиқомат қиладилар.