АҚШ президенти Дональд Трамп ўзидан аввалги президент Барак Обамадан ҳам мамлакат ичида, ҳам халқаро майдонда бетартибликни "мерос қилиб олганини" айтди. "Сизга маълум бўлгандек, маъмуриятимиз ҳам ҳукумат, ҳам иқтисодиётда кўплаб муаммоларни мерос қилиб олган, ростини айтганда, мен бетартибликни мерос қилиб олдим!", деб айтган Трамп журналистлар билан учрашувда.
"Уйда ҳам, хорижда ҳам бетартиблик: иш ўринлари мамлакатдан чиқиб кетмоқда, паст иш ҳақи, қаерга қараманг тартибсизлик ва хорижда нобарқарорлик, бироқ биз бунинг барчасини изига туширамиз", деб айтган Трамп.