АҚШ президенти Дональд Трамп савдо тармоқларининг қизи Иванканинг маркаси остидаги кийим-кечакларни сотишдан бош тортиши билан боғлиқ шов-шув фонида унга тасанно билдирди, деб ёзади «Дарё».«Мен қизим Иванка билан фахрланаман. Ҳақоратлангани ва ОАВ томонидан ёмона муносабатга учраганига қарамай, у бошини баланд тутиб, йўлида давом этмоқда. Бу ҳақиқатда ҳайратланарли!» — деб ёзди у Twitter’даги саҳифасига.
Эслатиб ўтамиз, АҚШда оммабоп бўлган Nordstrom универмаглар тармоғи президентнинг қизи Иванка Трамп фирмасининг кийим-кечакларини сотиб олишдан бош тортган ва ўз қаророни бренднинг яхши сотилмаслиги билан изоҳлаган эди.
Иванканинг кийим-кечакларини сотишни тўхтатиши ҳақида Neiman Marcus, Belk, Jet, ShopStyle ва бошқа қатор савдо тармоқлари ҳам эълон қилди.