1 августдан сўнг «иномарка»лар нархи қанча бўлади?

Енгил автомобиллар мисолида импорт қилинадиган транспорт воситалари нархи қанчага ўзгаришини «Norma» экспертлари ҳисоблаб чиқишди.
Дейлик, ҳажми 1000 куб см.дан ортиқ бўлмаган двигателга эга автомобилнинг нархи — 6000 доллар.

2020 йил 1 августга қадар:

• Божхона тўлови — 3240$ (автомобиль ўртача нархининг 54%и);
  
• Акциз солиғи — 1920$ (автомобиль ўртача нархининг 32%и);
  
• ҚҚС — 1674$ (автомобиль ўртача нархининг, божхона тўлови ва акцизнинг 15%и);
  
• Божхона йиғими — 25$
  
• Утилизация йиғими — 0.

Шунда жами «растаможка» тўлови 6859$ бўлиб, автомобилнинг охирги нархи 12 859 долларни ташкил қилади.

2020 йил 1 августдан кейин:

• Божхона тўлови — 3240$ (автомобиль ўртача нархининг 54%и);
  
• Акциз солиғи — 0;
  
• ҚҚС — 1386$ (автомобиль ўртача нархининг, божхона тўлови ва акцизнинг 15%и);
  
• Божхона йиғими — 25$
  
• Утилизация йиғими — 659$ (БҲМнинг 30 баравари долларда).

Шунда жами «растаможка» тўлови 5310$ бўлиб, автомобилнинг охирги нархи 11130 долларни ташкил қилади. Фарқ — 1549$.
Шу билан бирга, ҳажми 3000 куб см.дан ортиқ бўлган ва 3500 куб см.дан юқори бўлмаган двигателга эга автомобилнинг нархи 30000 доллар. 1 августдан унинг нархи 6740 долларга арзонлашади.

Шундай қилиб, 1000 куб см.гача бўлган ҳажмли двигателга эга автомобиллар нархи 12%га, 3000 куб см.дан ортиқ бўлган ва 3500 куб см.дан юқори бўлмаган ҳажмли двигателга эга автомобиль нархи эса 10%га арзонлайди, деб хулоса қилади «Norma» экспертлари.