Ишлаб чиқарилиши тўхтатилган Bugatti Veyron’нинг ўрнини эгаллайдиган Bugatti Chiron гиперкари 100 км/соат тезликка 2.2 секундда чиқа олади, унинг максимал тезлиги эса 467 км/соатни ташкил қилади. Бу ҳақда Чехиянинг Pro Driver Magazine'га асосланиб Kun.uz нашри
хабар берди.
Нашр суҳбатдошининг маълумотларига қараганда, бундай рақамлар купенинг мижозлар учун ўтказилган ёпиқ презентацияси чоғида Bugatti вакиллари томонидан ошкор қилинган.
Chiron гибрид куч қурилмаси билан жиҳозланиб, унинг таркибига 8 л ли 4 турбинали W16 двигатели, электр мотор ва 7 диапазонли робот ўтказмалар қутиси киради. Куч қурилмасининг қуввати 1.5 минг от кучига тенг бўлади.
Chiron’нинг ташқи кўриниши Gran Turismo пойга симулятори учун тайёрланган Bugatti Vision GT протопининг услубида ишланади. Янги машина премьераси 2016 йил мартида Женева моторшоусида ўтказилади.
Машина жами 500 экземплярда чиқарилади, ҳар бирининг нархи камида 2 млн еврони ташкил қилади. 2018 йилда гиперкарнинг очиқ кузовли модификацияси чиқарилиши кутилмоқда.