"Автостат" таҳлилий агентлиги Россияда энг оммабоп бўлган хорижий автомобиллар рейтингини тузиб чиқди.Рўйхатда биринчи поғонани Ford Focus эгаллади. Экспертларнинг таъкидлашича, мамлакатда жорий йил бошидаги ҳолатга кўра шундай моделдаги 715 мингта машина бор. Иккинчи ўринда 699 мингта нусха билан Toyota Corolla жойлашди. Кучли учликка Hyundai Solaris якун ясаб берди, Россияда 2018 йил январь бошида 674 мингта шундай автомобиль бўлган.
Энг оммабоп хорижий автомобиллар ўнталигига KIA Rio, Renault Logan, Chevrolet Niva, Daewoo Nexia, Volkswagen Polo, Toyota Camry ва Volkswagen Passat ҳам кирган.
Агентликнинг эслатишича, Россияда жорий йилнинг бошида ҳаммаси бўлиб 26 миллионта хорижий автомобиль бўлган, бу Россиядаги енгил автомобиллар бозорининг барча ҳажмидан қарийб 61 фоизни ташкил этади.