Италиянинг Ferrari автомобиль концерни 12 март куни машҳур «отхона» асосчиси Энцо Феррари ўз маркасидаги биринчи автомобиль двигателини ишга туширганлигининг 70 йиллигини нишонламоқда, деб ёзади «Дарё» нашри.«Маранелло кўчасида ўтказилган тест-драйв Ferrari’нинг замонавий тарихини бошлаб берди», — дейилади компания матбуот хизмати хабарида. Гап 125 S номи билан машҳур спорт машинаси ҳақида бормоқда. Унинг капотига сариқ фонда гижинглаб турган айғир от тасвирланган эмблема жойлаштирилган эди.
Компания юбилейни 60 та мамлакатда нишонлашни режалаштирмоқда. Чекланган серияда чиқарилган LaFerrari Aperta гиперкарининг намойиши барча тадбирларнинг диққатга сазовор қисмига айланади. Барча тантаналар Маранеллодаги базада 9—10 сентябрда якунланиши кутилмоқда.