Англия грандлари – “Ливерпуль” ва “Челси” Португалия чемпионатида тўпурарлик маҳоратини намойиш қилаётган ҳужумкор футболчи Луис Диасни трансфер қилишни режалаштирмоқда.Аслида колумбиялик ярим ҳимоячини Жозе Моуриньо ҳам ўз жамоасига олиб келмоқчи эди. Бироқ, “Рома” бу футболчи учун курашда Англия клубларига бас кела олмайди.
24 ёшли футболчи жорий мавсум юқори савияда ўтказмоқда. У “Порту” таркибида барча турнирларда 15 та учрашувда майдонга тушиб, рақиблари дарвозасини 11 маротаба ишғол қилди.
Луис Диас голларининг аксариятини чап қанотдан уюштирилган ҳужумлар орқали киритгани ҳам мутахассислар эътиборидан четда қолмади.
“Порту” ўзини кўрсатаётган футболчини 80 миллион евро атрофида баҳолаяпти ва яхши таклиф бўлса, ёзда уни қўйиб юборишга тайёр.