«Замин»ни Telegram’да ўқинг! Join!
Zamin.uz
, 07 2021, 23:22
ЎЗO‘Z

Секейра ҳакамларни айблади, бунга Ашурматов қандай жавоб қайтарди?

23 окт, 21:44 1 130 Спорт
«Замин»ни Telegram’да ўқинг!
Секейра ҳакамларни айблади, бунга Ашурматов қандай жавоб қайтарди? “Қўқон-1912” – “Локомотив” (2:1) учрашувидан кейин ўтказилган матбуот анжуманинг иккинчи қисмида мезбонлар бош мураббийи Бахтиёр Ашурматов иштирок этди.

- Мураккаб ва қийин ўйин бўлди. Сайлов олдидан Қўқон халқининг кайфиятини кўтарганимиздан хурсандман. Йигитларимизга ва мухлисларимизга катта раҳмат. Рақиб ҳужумга ўтганида ишқибозлар бизни ҳимояга ётиб олмаслигимизни талаб қилишади. Бу ҳам жамоамизга қўшимча куч беради. Биз ҳам йигитларга кўпроқ ҳужум қилиш кераклигини таъкидлаймиз. Ўйиндан олдин футболчиларимизга “Локомотив”ни мураккаб рақиб эканлигини айтиб, илиқ фикрлар билдиргандик. “Локомотив” медаллар учун курашишни мақсад қилганди. Аммо қаердадир Секейра ўз ўйин услубини йўлга қўйиб олгунича вақт йўқотди.

Бугунги учрашувда ҳам “Локо” тўп назорати ва позицион ҳужумлар бўйича устунлиги борлигини кўрсатди. Аммо биз ғалабага иштиёқ, охиригача курашиш, мухлисларимизни хурсанд қилиш каби омиллар бўйича ғалаба қозондик. Ўрнимиз жамоа савиясига мос эмасди. Ўйиннинг айрим вазиятларида “Локомотив” юқори ўйин кўрсатди ва биздан устунлик намойиш қилди. Захирадан майдонга тушган футболчиларимиз ўйинни кучайтира олди.

- Секейра матбуот анжуманида ҳакамлар айби билан ютқаздик деди. Сиз ҳакамлар тўғрисида нима дейсиз?
- Ҳакамлар иккала томонга ҳам адашган бўлиши мумкин. Лекин атайин қайсидир томонга ён босди деб айта олмайман. Афсус, бугун ВАР ишлатилмади. Шу сабабли айрим вазиятларга реал баҳо беришимиз қийин. Асосийси, биз ғалаба қозондик. Бундай пайтда кимгадир эътироз билдириш қийин. Тўғри, хатосиз ўйинлар бўлмайди, мен фақат футболчиларимга эътироз билдиришим мумкин. Боя айтганимдек, ўйин пайтида устунликни рақибга бериб қўйганимиз учун қаерда хато қилганимиз устида изланишим мумкин.

Гапнинг очиғи, мен Бамбадан тўп қўлингга тегдими деб сўрадим. Юзимга тегиб кириб кетди, деб айтди. Такрорий лавҳаларни кўриб чиққанимиздан кейин аниқ фикр билдириш мумкин. Туроповга келсак, у тўпдан узоқроқда ўхшаб туюлди. Буни ҳам қайта кўриб чиқиш керак. Буни кўрадиган қўмита бор. Бугунги ўйинни бошқариш осон бўлмади. Мураккаб ўйинда ҳакамлар ишни муносиб уддалай олишди.

- “Қўқон-1912” учта ўйинда ўз ўрнини сақлаб қоладими?
- Йўқ, биз 8-ўринни сақлаб қолмоқчи эмасмиз. Айтиб ўтганингиздек, олдимизда учта ўйин бор. Имконият бор экан, янада яхшироқ ўринларга ҳаракат қилсак бўлади. Йигитларга ишонаман. Бир неча бор таъкидлаб ўтдим, 9, 8-ўринлар бизга керак эмас. “Пахтакор”, “Сўғдиёна”, “Локомотив” каби грандларга қарши футболчиларимиз яхши ўйнай олишларини кўрсатди ва ҳар қандай рақибга муносиб қаршилик кўрсата оладилар.



Мавзуга оид янгиликлар
  • Микаэль Секейра: "Андижон" 8-9 нафар футболчи билан ҳимояланди" 17 окт, 21:22
  • Микаэль Секейра: "Бир соат давомида 10 киши бўлиб ўйнаганимиз сезилмади" 01 окт, 23:31
  • Бахтиёр Ашурматов: "4:2 ҳисобидаги ғалабадан кейин ҳакамлар ҳақида гапириш нотўғри" 01 окт, 20:46
  • "Навбаҳор" майдонида учралган мағлубиятга Секейра қандай изоҳ берди? 15 авг, 23:00
  • Бахтиёр Ашурматов: “Иккинчи таймда яхши ўйнадик, лекин...” 19 июл, 10:10
  • «Локомотив» мураббийи эртага «Зоб Аҳан» билан ўйинда ҳам ғалаба қозонмоқчи эканини айтди 18 фев, 17:20
  • Сўнгги янгиликлар
  • Мутахассис озишдаги энг хавфли хатони айтди 07 дек, 22:36 1
  • Тошкентда жаҳон чемпионатига расман старт берилди 07 дек, 22:14 0
  • Янги Конституция қабул қилинади 07 дек, 22:00 1
  • Шавкат Мирзиёев Ўзбекистон халқини 8 декабрь — Конституция байрами билан табриклади 07 дек, 21:48 94
  • Ўзбекистон—Қозоғистон бизнес-форумида қарийб 6 млрд долларлик лойиҳалар имзоланди 07 дек, 21:43 90
  • Яшил ловиянинг қандай фойдали хусусиятлари бор? 07 дек, 21:21 101
  • Умид Искандаров собиқ рафиқаси Рената Искандарова билан ажрашишига нима сабаб бўлган эди? 07 дек, 20:47 248
  • Суперлига 2022 йилги мавсуми бошланиш санаси маълум бўлди 07 дек, 20:20 286
  • UFC мухлислари учун хушхабар! 07 дек, 19:50 384
  • Ўзбекистонда долларнинг расмий курси кўтарилди 07 дек, 19:30 426
  • Суперлигада қайси клублар қандай сакрашга эришди? 07 дек, 18:56 499
  • Олимлар Марсда сув борлиги бўйича далил топдилар 07 дек, 18:28 616
  • Бўлимлар