«Замин»ни Telegram’да ўқинг! Join!
Zamin.uz
, 07 2021, 22:59
ЎЗO‘Z

Виктор Жалилов: “Натижадан қониқмадим, ғалаба қозонишни хоҳлагандим”

23 окт, 19:43 732 Спорт
«Замин»ни Telegram’да ўқинг!
Виктор Жалилов: “Натижадан қониқмадим, ғалаба қозонишни хоҳлагандим” Coca Cola Суперлига 23-туридан ўрин олган “Машъал” ва “Навбаҳор” (0:0) жамоалари ўртасидаги учрашувдан кейин “лочинлар” бош мураббийи Виктор Жалилов ўйин ҳақидаги фикрларини билдириб ўтди.

- “Машъал” жанговар, яхши шаклланган жамоа, таъбир жоиз бўлса, “чақилмас ёнғоқ”. Бугунги дуранг адолатли бўлди. Мезбонлар имкониятларга эга бўлишди, дарвозабонимиз қутқарди. Биз уюштирган ҳужумлар пайтида эса “Машъал” посбони ишончли ҳаракат қилди. Умуман олганда, майдонда яхши кураш кечди, - дейди Виктор Жалилов.

- Азимжон Аҳмедов нега алмаштирилди?
- У оғир ўтган касалликдан сўнг энди-энди аввалги формасига қайтмоқда, тўлиқ икки бўлим тўп тепишга кучи етмаслиги тушунарли. Шу боис, уни алмаштиришга мажбур бўлдик.

- Бугунги ўйинда сизни қониқтирмаган жиҳатлар бўлдими?
- Албатта, натижадан қониқмадим, ғалаба қозонишимизни хоҳлагандим. Лекин “Машъал” ҳам ютуқ учун астойдил ҳаракат қилди. Майдон эгалари таркибида ўзгаришлардан кейин улар фаолликни оширишди, тўпга кўпроқ эгалик қилишди. Бизда ҳам, вазиятни ўз томонимизга оғдириш учун имкониятлар бўлди. Мени қаноатлантирмагани – ҳужумларнинг сўнгги паллада якунланмай қолиши, гол урганимизда, ғалаба қозонардик.

- Даврон Ҳошимов четлатилди ва энди кейинги ўйинда жамоага ёрдам беролмайди...
- Афсуски, шундай. Нима ҳам қила олардик, ҳакам шундай қарор чиқарган экан, кўнишдан ўзга чора йўқ.

- Бугунги ўйинни дисквалификация сабаб ўтказиб юборган футболчиларнинг йўқлиги нечоғли билинди?
- Қувондиқ Рўзиев ва Коста Гуттинер бошланғич таркиб футболчилари. Албатта, ҳар бир футболчи жамоа механизмига ўз улушини қўшади, агар бу икки футболчи ҳозир сафимизда бўлганида, ўйин бошқача кечиши ҳам мумкин эди.

- 5 футболчи алмаштириш имкони бўлатуриб, захирадан фақат 3 ўйини майдонга туширдингиз. Бу асосий таркибда ўйнаганларнинг ҳаракатларидан қониққанингизни билдирадими?
- Ўйиннинг бориши шуни тақозо этди, футболчиларни алмаштиришга эҳтиёж сезилмади. Баъзан захирадан тушганларнинг ўйинга киришиб кетишлари осон бўлмайди.

- “Навбаҳор” кучли бешликка кира оладими?
- Бу осон бўлмайди, учрашувларда очко йўқотиш вазиятни янада оғирлаштиради. Лекин кураш ҳали олдинда, турнир жадвалидаги зичлик сақланиб турибди, демакки, умид бор. Бунинг учун ғалаба қозониш керак.

Манба: "Навбаҳор" матбуот хизмати



Мавзуга оид янгиликлар
  • Виктор Жалилов жамоасининг ғалабаси ҳақида қандай фикр билдирди? 17 окт, 20:00
  • Виктор Жалилов "Пахтакор" билан бўлиб ўтган ўйин ҳақида нималар деди? 16 сен, 00:34
  • Виктор Жалилов: "Ҳужумда муаммоларимиз бор" 20 авг, 22:55
  • Виктор Жалилов: "Дарвозабонимизнинг мустаҳкам ўйини бўлмаганда, бугун ютқазишимиз ҳам мумкин эди" 16 апр, 23:43
  • Виктор Жалилов "Навбаҳор" клубида маслаҳатчи мураббий сифатида иш бошлади 02 янв, 21:20
  • Виктор Жалилов "Машъал"да 02 фев, 13:53
  • Сўнгги янгиликлар
  • Тошкентда жаҳон чемпионатига расман старт берилди 07 дек, 22:14 0
  • Янги Конституция қабул қилинади 07 дек, 22:00 1
  • Шавкат Мирзиёев Ўзбекистон халқини 8 декабрь — Конституция байрами билан табриклади 07 дек, 21:48 94
  • Ўзбекистон—Қозоғистон бизнес-форумида қарийб 6 млрд долларлик лойиҳалар имзоланди 07 дек, 21:43 90
  • Яшил ловиянинг қандай фойдали хусусиятлари бор? 07 дек, 21:21 101
  • Умид Искандаров собиқ рафиқаси Рената Искандарова билан ажрашишига нима сабаб бўлган эди? 07 дек, 20:47 248
  • Суперлига 2022 йилги мавсуми бошланиш санаси маълум бўлди 07 дек, 20:20 286
  • UFC мухлислари учун хушхабар! 07 дек, 19:50 384
  • Ўзбекистонда долларнинг расмий курси кўтарилди 07 дек, 19:30 426
  • Суперлигада қайси клублар қандай сакрашга эришди? 07 дек, 18:56 499
  • Олимлар Марсда сув борлиги бўйича далил топдилар 07 дек, 18:28 616
  • «Хамса» қаҳрамонлари оташпарастмиди ёки мусулмон? 07 дек, 18:02 593
  • Бўлимлар