«Замин»ни Telegram’да ўқинг! Join!
Zamin.uz
, 09 2021, 07:08
ЎЗO‘Z

Мағлубият алам қилди ва Моуриньо “Рома”нинг ярим таркибини ҳайдаяпти!

23 окт, 11:44 1 814 Спорт
«Замин»ни Telegram’да ўқинг!
Мағлубият алам қилди ва Моуриньо “Рома”нинг ярим таркибини ҳайдаяпти! А Серияда “Верона”, “Лацио” ва “Ювентус”дан учралган мағлубият, Конференциялар лигасида “Будё-Глимт”нинг қақшатқич зарбаси “Рома” ҳали энг юқори мақсадлар сари курашишига эрта эканидан далолат бермоқда.

“Рома”ни гранд клубга айлантириш учун олиб келинган Жозе Моуриньо ҳар бир муваффақиятсизликдан кейин жамоа захираси заиф экани, юқори малакали ижрочилар етишмаётгани ҳақида нолиётган эди ва унинг гапида жон бордек кўринмоқда.

Моуриньо бошқарган жамоалар Норвегиядаги ўйинга қадар ҳеч қачон олтита гол ўтказмаган. Порутагиялик мураббий “Будё-Глимт”га бой берилган шармандали ҳисоб учун жавобгарликни ўз бўйнига олган бўлса-да, таркибдаги муаммоларни ҳам бир тилга олиб ўтди.

Италия футболи экспертларининг фикрига кўра, Норвегиядаги мағлубиятдан сўнг Моуриньо клуб раҳбариятини таркибни янада кучайтиришга кўндиради. Оммавий ахборот воситалари эса, Жозе ҳозирдан ўзига тўғри келмаётган барча ўйинчилардан қутилиб, унинг талабларини бажаришга қодир янги футболчиларни олишга қарор қилганини ёзмоқда.

Демак, кетиши кутилаётганлар кимлар?
“Рома”нинг энг муаммоли нуқтаси ўнг қанот ва марказий ҳимоя экани айтилмоқда. Рик Карсдорпнинг бир ўзи ўнг қанотни тўлиқ ёполмаяпти. Унга ёрдамчи ва ўринбосар керак. 6,5 миллион еврога харид қилинган америкалик ҳимоячи Брайан Рейнолдс буни уддалай олмаяпти ва ҳимоячи сифатида Жозега умуман керак эмаслиги учун биринчи сотилади. Марказий ҳимоячилардан Крис Смоллинг кўп жароҳатланяпти, Мараш Кумбулла ҳам мураббийлар ишончини қозона олмади. Федерико Фасио, Давиде Сантонга бош мураббий имкон беришни ҳам лозим топмади. Қизиғи, ҳозирча бу ўйинчиларнинг бирортасига талабгор ҳам чиқмади.

Моуриньо ҳимояда ёш Риккардо Калафьори ва жароҳатини даволаётган Леонардо Спинаццолага суянишдан ташқари, уларнинг ёнига тажрибали ҳимоячиларни қўшмоқчи.

Ярим ҳимояда вазият мураккаб. Мунтазам ўйнаётган Жордан Верету, Брайан Кристанте, Лоренцо Пеллегрини, Генрих Мхитарян, Николо Дзаньолога муносиб ўринбосар йўқ. Амаду Диавара, Гонсало Вильяр, Эдоардо Бове, Эбрима Дарбо, Никола Залевски етакчи ярим ҳимоячиларнинг ўрнини боса оламаяпти ва улар катта эҳтимол билан ўз жойини бу ишни амалга оширишга қодир бўлган кучли ва тажрибали ҳамкасбларига бўшатиб беришига тўғри келади.

“Рома”нинг ҳужум чизиғи энг кучли рақобатга эга. Моуриньо асосий ҳужумчи сифатида Тэмми Абрахамни ўйнатяпти. Элдор Шомуродов, Стефан Эл-Шаарави, Карлес Перес захирадан бўлса-да, мунтазам ўйин амалиётига эга бўлмоқда. Моуриньо ишонч билдирмаётган ягона ҳужумчи – “Реал” тарбияланувчиси Борха Майоралдир. Ўтган мавсумда римликлар таркибида Верету билан бирга энг кўп гол урган ва доим асосий таркибда ўйнаган испаниялик ҳужумчи Моуриньо келганидан кейин захирага михланди. Аслида, Моуриньо фаолиятида жамоа етакчиларидан бирини ўйиндан четлатиш усулини кўп қўллайди ва ҳозир бу янгилик эмас.

Майоралнинг атрофидаги вазиятдан келиб чиқиб, “Рома” мутасаддилари “Реал”дан ижарага олинган ҳужумчини 20 миллион еврога трансфер қилиш ҳуқуқидан фойдаланмайдиган бўлди ва уни Мадридга қайтариб юборади.

Таъкидлаш жоизки, Жозе Моуриньо ва унинг шогирдлари олдида мураккаб вазифалар ва узун мавсум турибди. “Рома”ни қўллаб-қувватлаш учун совуқ Норвегиягача борган энг ашаддий мухлислар шармандали мағлубиятдан кейин жамоанинг узрини қабул қилмади ва муносабатларни тузатиш учун футболчилар олдига шарт қўйди. Унга кўра, “Рома” якшанба куни “Олимпико” аренасида бўладиган 9-тур учрашувида енгилмас жамоага айланиб қолган “Наполи”ни тиз чўктириши талаб этилади.

Мазкур учрашув 24 октябрь куни Тошкент вақти билан 21:00да бошланади.



Мавзуга оид янгиликлар
  • Фақат Элдор мардлик қилди. “Будё-Глимт” футболчилари нега Шомуродовдан ҳайратга тушди? 23 окт, 11:16
  • Моуриньо йирик ҳисобдаги мағлубиятдан сўнг нималар деди? 22 окт, 17:17
  • Конференциялар Лигаси. "Рома" сафарда шармандали мағлубиятга учради 22 окт, 00:05
  • Моуриньо: Жамоани ярим йўлда ташлаб кетмайман! 21 окт, 19:45
  • Моуриньо "Юве"га ютқазганидан сўнг: "Ғалабага лойиқ жамоа ютқазиб қўйди" 18 окт, 09:25
  • Жозе Моуриньо: Мен матбуотни соғиндим 16 авг, 22:43
  • Сўнгги янгиликлар
  • ЕЧЛ. Драматик кечган баҳсда "Зенит" "Челси" билан дуранг ўйнади 09 дек, 01:01 528
  • Саид Мухторов Камила Гимандиновани зўрлашга урингани ҳақидаги актрисанинг иддаосига муносабат билдирди 09 дек, 00:40 730
  • Равшан Эрматов Ўзбекистон U-18 ва олимпия терма жамоаларининг кейинги йил режалари билан танишди 09 дек, 00:00 515
  • Хонанда Муҳаммадкарим Соипов 58 ёшида вафот этди 08 дек, 23:40 581
  • Қудратилло Абдуқаҳҳоров: "Америкада каттароқ номлар билан жанг қилишни ҳоҳлайман" 08 дек, 23:00 579
  • Моуриньо Шомуродовнинг рақобатчисини танлади! 08 дек, 22:30 770
  • Ўзбекистон аёллар терма жамоасига япониялик мураббий устозлик қилади 08 дек, 22:00 559
  • Деновдаги портлашдан зарар кўрган объектлар сони ошкор қилинди 08 дек, 21:30 606
  • Ўзбекистон электр энергияси энг арзон 10 та давлат қаторига кирди 08 дек, 21:05 513
  • Наполеоннинг тўппончалари ва қиличи 2,9 миллион долларга сотилди 08 дек, 20:35 481
  • Тошкентдаги «Авиасозлар» бозорида истеъмолга яроқсиз гўшт аниқланди 08 дек, 20:08 464
  • АҚШ бутун дунёдаги журналистлар ҳимояси учун маблағ ажратади 08 дек, 19:43 366
  • Бўлимлар