«Замин»ни Telegram’да ўқинг! Join!
Zamin.uz
, 16 2021, 04:39
ЎЗO‘Z

Элдор Шомуродов Римга келди!

31 июл, 21:00 2 431 Спорт
«Замин»ни Telegram’да ўқинг!
Элдор Шомуродов Римга келди!
Ўзбекистон миллий терма жамоаси ва “Женоа” ҳужумчиси Элдор Шомуродов Италия пойтахти Рим шаҳрига етиб келди. Бу ҳақда биринчи бўлиб Tuttomercatoweb сайти ахборот тарқатди.

31 июль куни Элдор Шомуродов Рим шаҳрида “Рома” учун тиббий кўрикдан ўтади. Тиббий кўрикдан сўнг ўзбекистонлик футболчи “Рома” билан расмий шартнома имзолайди.

“Рома” ва “Женоа” раҳбариятларининг Элдор Шомуродов трансфери бўйича келишувига кўра, ҳамюртимиз бир мавсум давомида ижара асосида тўп суради. Бунинг учун римликлар Генуя клубига 2,5 миллион евро миқдорида ижара пули тўлайди. “Рома”да ўзбекистонлик ҳужучининг трансфер ҳуқуқини 17,5 миллион еврога сотиб олиш имкони бор.

Шомуродов маълум миқдордаги ўйинларда иштирок этса ёки “Рома” янги мавсум охирида Европа Чемпионлар лигаси йўлланмасини қўлга кирита олса, бу трансфер автоматик тарзда амалга оширилади. Яъни, Шомуродов “Рома”нинг тўлақонли аъзосига айланади.

“Женоа” Шомуродовнинг кейинги трансферидан ҳам 10 фоиз улуш олиши белгиланган.
“Рома” Шомуродов билан 2026 йилнинг ёзигача шартнома тузиши кутилмоқда. Маълумотларга қараганда, легионеримиз пойтахт клубида бир мавсум учун 2 миллион евро маош олиши келишилган экан.

Элдор Шомуродов бугун тиббий кўрикдан ўтиб, расмий шартнома имзолаш маросмини якунлаганидан кейин,  1 август куни Потугалияга йўл олади. Дозе Моуриньо жамоани янги мавсумга ўз юртида тайёрлашни маъқул кўрган ва айни пайтда “бўрилар” шу мамлакатда ўқув-машғулот йиғинини ўтказмоқда.

Эслатиб ўтамиз, Элдор Шомуродов “Маъал” футбол академияси тарбияланувчиси ҳисобланади. Истеъдодли футболчимиз Ўзбекистон чемпионатида 2014 йилда дебют қилган.  “Машъал” сафида ўнта учрашув ўтказганидан кейин “Бунёдкор” сафига қўшилди.

2015-2017 йиллар давомида тошкентликлар шарафини ҳимоя қилган Элдор миллий чемпионат ўйинларида 66 маротаба майдонга тушиб, рақиблар дарвозасини 18 маротаба аниқ нишонга олди.

Ҳамюртимиз 2017 йили Россия премьер-лигасига йўл олди ва уч мавсум давомида “Ростов”да тўп тепди. Россия чемпионатида тўпурарлик маҳоратини намойиш қила олган Элдор Европанинг қатор клублари эътиборини қозонди. Унга бир неча клублардан таклиф бўлишига қарамай, 2020 йилнинг кузида “Ростов” ўзбекистонлик ҳужумчисини “Женоа”га трансфер қилди. Генуяликлар юу трансфер учун 7,5 миллион евро тўлади.

Кучли бешлик чемпионатлари орасида мураккаблиги билан ажралиб турадиган А Серияда Шомуродов дебют мавсумини муваффақиятли ўтказди. Истеъдодли ҳужумчимиз Италия футболига тез мослаша олди ва А Серия ҳамда мамлакат кубоги доирасида жами 32 маротаба майдонга тушиб, рақиблар дарвозасини саккиз маротаба ишғол қилди ва икки марта жамоадошларига голли пас узатди.

Элдор Шомуродовга “Ювентус”, “Милан” ва “Рома”дан жиддий қизиқиш бўлди. Ҳамюртимиз учун курашда “Рома”нинг ҳаракати самарали якунланди ва Шомуродов ушбу клуб футболчисига айланмоқда.

Transfermarkt портали Элдор Шомуродовнинг трансферини 7 миллион еврога баҳолаётган бўлса-да, “Рома” ўзбекистонлик ҳужумчини қўлга киритиш учун 20 миллион евро миқдорида харажат қилмоқда.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Элдор Шомуродовнинг «Рома» билан қачон шартнома имзолаши маълум бўлди 30 июл, 13:30
  • Элдор Шомуродовнинг трансфери бугун эълон қилинади 30 июл, 00:35
  • Элдор Шомуродовнинг «Рома»даги маоши маълум бўлди 29 июл, 23:49
  • Элдор Шомуродов "Рома" аъзосига айланди! 29 июл, 10:10
  • Италия нашри: Элдор Шомуродов борасида анча жиддий таклиф бор 23 июл, 19:56
  • Элдор Шомуродов Италияга учиб кетди 01 окт, 16:25
  • Сўнгги янгиликлар
  • Лавров аралаш никоҳдан туғилган болаларга автоматик равишда Россия фуқаролигини беришни таклиф қилди 16 окт, 00:17 151
  • Renault автоконцерни Ўзбекистонда автомобиль ишлаб чиқариш ва сотишни бошлайди 15 окт, 23:58 161
  • Толиблар Афғонистонда янги Олий суд тузилганини эълон қилди 15 окт, 23:33 202
  • Шавкат Мирзиёев ШҲТ давлат раҳбарлари билан мулоқот қилди 15 окт, 23:03 187
  • Ҳайдовчилардан бир қатор ҳужжатларни талаб қилиш бекор бўлмоқда 15 окт, 22:38 292
  • Артём Петросян: "Стандартларда эътиборни йўқотганимиз учун гол ўтказиб юбордик" 15 окт, 22:36 287
  • Машарипов ОЧЛ баҳси олдидан интервью берди 15 окт, 22:15 321
  • Ишсиз алимент тўловчилар учун меҳнат ярмаркаси ташкил этилди 15 окт, 21:50 238
  • Рўзиқул Бердиев: "Бугун рақибга нисбатан ҳар томонлама кучлироқ эдик" 15 окт, 21:49 346
  • Бунақаси бўлмаган: БAAда ноёб ўғирлик содир этилди 15 окт, 21:30 523
  • АҚШга киришдаги барча чекловлар олиб ташланмоқда 15 окт, 21:06 306
  • U-23 Осиё чемпионатига саралаш Ўзбекистонда ўтиши мумкин 15 окт, 21:01 314
  • Бўлимлар