«Замин»ни Telegram’да ўқинг! Join!
Zamin.uz
, 16 2021, 03:32
ЎЗO‘Z

ДХХ бир гуруҳ шахсларнинг жиноятини фош этди

04 июл, 15:49 2 035 Жамият
«Замин»ни Telegram’да ўқинг!
ДХХ бир гуруҳ шахсларнинг жиноятини фош этди
2018 йил Тошкент вилояти Бўстонлиқ тумани ҳокимининг қарорига мувофиқ от спортига ихтисослашган МЧЖга меҳмонхона, коттежлар, отхона, ветеринария блоки, манеж, очиқ ва ёпиқ турдаги плац қуриш учун 25,4 гектар ер майдони ажратилади.

Лекин мазкур МЧЖ таъсисчиси амалда ҳеч қандай иш бажармасдан, аксинча, ўзининг маклер таниши билан келишган ҳолда ушбу ер майдонини бошқа бир фуқарога 1 млн 500 минг АҚШ долларига сотишни режалаштиради.

Давлат хавфсизлик хизматининг Тошкент вилояти бўйича бошқармаси, вилоят прокуратураси ва Департамент ходимлари томонидан ўтказилган тезкор тадбирда, улар сўралган пулдан аванс сифатида 700 минг АҚШ доллари олган вақтларида ушланди.

Тошкент вилоятининг Зангиота ва Тошкент туманларида истиқомат қилувчи 3 нафар шахс ўзганинг номида бўлган МЧЖга 2019 йил Зангиота тумани ҳокими қарори билан юқори технологик иссиқхона қуриш учун ажратилган 2 гектар ер майдонининг 1,5 гектарини бошқа бир фуқарога расмийлаштириб, эгалик ҳуқуқини олиб бериш эвазига ундан 150 минг АҚШ доллари талаб қилишади.
Улар олдиндан 60 минг АҚШ доллари олган вақтларида ДХХ ва Департаментнинг Тошкент шаҳар бўйича бошқармалари ходимлари томонидан ушланди.

Тошкент вилояти Зангиота туманида яшовчи, муқаддам судланган шахс 2018 йил деҳқончилик билан шуғулланмоқчи бўлган фуқарога мазкур туман ҳокимининг қарори асосида ажратилган 35 сотих ер майдонини бошқа бир фуқарога 80 сотих, дея алдаб, унга ҳокимият ва кадастр идораларида юқори лавозимларда ишловчи танишлари орқали эгалик ҳуқуқини олиб беришини ваъда қилади ва эвазига 160 минг АҚШ доллари сўрайди.
У сўралган пулдан 30 минг АҚШ долларини аванс сифатида олган вақтида ушланди.

ДХХнинг Тошкент вилояти бўйича бошқармаси, вилоят прокуратураси ҳамда Департамент ходимлари томонидан ўтказилган тезкор тадбирда маклерлик билан шуғулланувчи икки нафар шахснинг ноқонуний ҳаракатларига чек қўйилди.

Хусусан, ушбу фуқаролар маҳаллий тадбиркорга Бўстонлиқ тумани «Ғазалкент» ҚФЙ ҳудудидан ўтувчи Чирчиқ дарёси бўйидан тумандаги МЧЖлардан бирига қайиқлар тўхташ жойи ва ташриф буюрувчиларга дам олиш жойи яратиш учун ажратилган 1 гектар ернинг сотилаётганлигини айтиб, 260 минг АҚШ доллари эвазига мансабдор танишлари орқали ушбу ер майдонини унинг номига расмийлаштириб беришларини билдиришади.
Улар сўралган пулдан 20 минг АҚШ долларини аванс сифатида олган вақтларида ашёвий далиллар билан ушланди.

Бир вақтнинг ўзида Наманган вилояти Косонсой туманидаги пахта ва ғалла етиштиришга ихтисослашган кластер бош агрономи ҳамда пахтачилик билан шуғулланувчи фермер хўжалигининг иш бошқарувчиси вазифаларида фаолият юритувчи шахс ўзганинг ишончига кириб, унга иссиқхона ва дала дўкони қуриши учун мазкур фермер хўжалиги ер майдонидан 2,1 гектарни мансабдор танишлари орқали унинг номига расмийлаштириб бериш эвазига 55 минг АҚШ доллари талаб қилади.

ДХХнинг Наманган вилояти бўйича бошқармаси ходимларининг вилоят прокуратураси ҳамда Департаментнинг ҳудудий бошқармаси вакиллари билан ҳамкорликда ўтказган тезкор тадбирида, у 45 минг АҚШ доллари ва 106 млн сўм пул маблағини олган вақтида ашёвий далиллар билан ушланди.

Фарғона вилояти Қува тумани ҳокимлигининг икки нафар собиқ ходимлари андижонлик икки фуқарога тадбиркорлик билан шуғулланишлари учун юқори лавозимда ишловчи танишлари орқали туман ҳудудида жойлашган эркин иқтисодий зонадан 6 гектар ер ажратиб бериш эвазига улардан 28 минг АҚШ доллари талаб қилишади.

ДХХ ва иқтисодий жиноятларга қарши курашиш Департаменти ходимлари томонидан ўтказилган тезкор тадбирда фирибгарлар 23 минг АҚШ доллари олган вақтларида ушланди.
Шунингдек, улар сўралган пулдан 5 минг долларини муқаддам олганликлари ҳам маълум бўлди.

Терговга қадар текширув ҳаракатлари давомида эса ушбу шахслар ўзларининг ноқонуний ишларига Қува тумани ҳокимлигининг инвестиция ва ташқи савдо бўлими ходимини ҳамда 1977 й.т. маҳаллий фуқарони ҳам жалб этганликлари аниқланди.
Ҳозирда мазкур шахсларга нисбатан Жиноят Кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.

ДХХ Матбуот хизмати




 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • ДХХ жойларда ноқонуний ер сотиш ҳолатларига чек қўйди 19 июн, 18:00
  • ДХХ Самарқандда ер сотаётганларни қўлга олди 26 мая, 13:41
  • ДХХ бир миллион долларга ер сотаётганларни қўлга олди 20 мая, 11:57
  • ДХХ ер сотиш билан боғлиқ фирибгарлик ҳолатларига чек қўйди 28 апр, 15:31
  • ДХХ ходимлари фирибгарлик билан боғлиқ ҳолатларга чек қўйишди 23 фев, 17:30
  • ДХХ Тошкент вилоятида бир қатор шахсларни ушлади 18 фев, 13:00
  • Сўнгги янгиликлар
  • Лавров аралаш никоҳдан туғилган болаларга автоматик равишда Россия фуқаролигини беришни таклиф қилди 16 окт, 00:17 98
  • Renault автоконцерни Ўзбекистонда автомобиль ишлаб чиқариш ва сотишни бошлайди 15 окт, 23:58 121
  • Толиблар Афғонистонда янги Олий суд тузилганини эълон қилди 15 окт, 23:33 160
  • Шавкат Мирзиёев ШҲТ давлат раҳбарлари билан мулоқот қилди 15 окт, 23:03 156
  • Ҳайдовчилардан бир қатор ҳужжатларни талаб қилиш бекор бўлмоқда 15 окт, 22:38 238
  • Артём Петросян: "Стандартларда эътиборни йўқотганимиз учун гол ўтказиб юбордик" 15 окт, 22:36 255
  • Машарипов ОЧЛ баҳси олдидан интервью берди 15 окт, 22:15 283
  • Ишсиз алимент тўловчилар учун меҳнат ярмаркаси ташкил этилди 15 окт, 21:50 222
  • Рўзиқул Бердиев: "Бугун рақибга нисбатан ҳар томонлама кучлироқ эдик" 15 окт, 21:49 324
  • Бунақаси бўлмаган: БAAда ноёб ўғирлик содир этилди 15 окт, 21:30 485
  • АҚШга киришдаги барча чекловлар олиб ташланмоқда 15 окт, 21:06 277
  • U-23 Осиё чемпионатига саралаш Ўзбекистонда ўтиши мумкин 15 окт, 21:01 291
  • Бўлимлар