«Замин»ни Telegram’да ўқинг! Join!
Zamin.uz
, 23 2021, 03:44
ЎЗO‘Z

«ОТМларда чет тиллари йўналишидаги факультетларда қабул квоталари оширилади»

14 мая, 12:37 918 Жамият
«Замин»ни Telegram’да ўқинг!
«ОТМларда чет тиллари йўналишидаги факультетларда қабул квоталари оширилади»
Олий таълим муассасаларида чет тиллари йўналишидаги факультетларда қабул квоталари икки бараварга, грант ўринлар сони уч бараварга оширилади. Бу ҳақда халқаро пресс-клубнинг «Хорижий тилларни ўргатиш бўйича янги тизим — келажак учун мустаҳкам пойдевор» номли сессиясида Ёшлар ишлари агентлиги директори ўринбосари Фаррух Омонов маълум қилди.

Директор ўринбосарининг қайд этишича, шу даврга қадар 25та олий таълим муассасасида чет тили мутахассислари учун 8000та квота ажратилган бўлса, эндиликда уларнинг сони икки бараварга оширилади. Яъни қабул квоталари 16000тага етказилади ва грант ўринлар сони 3 бараварга оширилади. Инглиз тилидан дарс берувчи мутахассислар учун методикани ўргатиш мақсадида «Эл-юрт умиди» жамғармаси томонидан ҳам алоҳида квоталар ажратилмоқда.

Шунингдек, олий таълим муассасасига кириш истагида бўлган ёшлар учун тил ўрганадиган хусусий ўқув марказларининг камлиги ва уларда нархларнинг анча қиммат эканлиги ҳам таҳлил қилинди.

«Республикадаги тил ўрганиш марказларини, яъни нодавлат таълим муассасаларини таҳлил қилганимизда улар асосан шаҳар ва вилоят марказларида жойлашгани маълум бўлди. Бундай ҳудудлардан узоқлашилгани сари бундай марказлар сони камайиб бораверади. Давлат раҳбари томонидан ҳам фақатгина давлат таълим ресурслари билан чекланиб қолмасдан, нодавлат таълим муассасалари кучидан ҳам фойдаланиш, уларни кўпайтириш ҳақида топшириқ берилди», деди Фаррух Омонов.

Яқинда ташкил этилган Хорижий тилларни оммалаштириш агентлиги томонидан 10та тилни оммалаштириш бўйича иш олиб бориши йўлга қўйилади. Бу орқали давлат ва нодавлат секторидаги ўқув курсларида хорижий тилларни ўргатиш қўллаб-қувватланади ва пулли ўқув курсларига бўлган талаб қондирилади.

Эслатиб ўтамиз, 6 май куни президент бошчилигида ўтказилган чет тилларини ўқитиш тизимини такомиллаштириш чора-тадбирларига бағишланган видеоселектор йиғилишида Хорижий тилларни ўрганишни оммалаштириш агентлиги ташкил этилиши маълум қилинган эди.

Бу агентлик дунёда самарали натижа берган ўқитиш методикалари, дастур ва дарсликларини таълим тизимида жорий этиб, хорижий тилларни мукаммал ўзлаштиришга кўмаклашади. Таълим муассасалари, тармоқлар ва ҳудудларнинг эҳтиёжидан келиб чиқиб, камида 10та (инглиз, рус, немис, француз, хитой, корейс, япон, турк, араб, форс) чет тилини ўргатишни ташкиллаштиради.

Бундан ташқари, мазкур йиғилишда ҳар бир туман ҳокимларига мактаблардаги чет тили хоналарини керакли жиҳозлар билан таъминлаш учун 1 млрд сўмдан маблағ ажратиш ҳақида кўрсатма берилди. 



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Чет тиллари бўйича қабуллар сони 2 бараварга, давлат гранти эса 3 бараварга оширилади 06 мая, 19:30
  • Иккинчи мутахассисликка ҳужжат қабул қилиш 10 августдан бошланади 08 авг, 19:53
  • 2020/2021 ўқув йили учун қабул квоталари тасдиқланди 13 июн, 09:15
  • ОТМларда иккинчи даражали фанлар сони икки бараварга қисқартирилади 02 мар, 22:30
  • Янги ўқув йили учун қабул квоталари сони кескин равишда оширилди 05 июл, 09:10
  • Олий таълим муассасаларида қабул квоталари 2 баробар оширилади 21 ноя, 12:57
  • Сўнгги янгиликлар
  • Мушаклар спазми: Оёқлар тунда оғришининг 9 сабаби 22 июн, 23:00 287
  • Ниқоби йўқ шахслар транспорт воситалари салонига чиқарилмайди 22 июн, 22:22 305
  • Тошкент шаҳар ҳокимлиги қўшиқчи Санжайга иш таклиф қилди 22 июн, 21:50 652
  • Артем Дзюба: "Психология — заиф нуқтамиз, босим остида ўйнашни билмаймиз. Европаликлар бундан завқланади, биз эса..." 22 июн, 21:16 479
  • Ташкилот раҳбари мухбир қизни «ётоққа» таклиф қилгани айтилмоқда 22 июн, 20:30 608
  • Драган Скочич: "Натижага қандай эришдик дейсизми? Чунки биз кунига 20 соат ишладик" 22 июн, 19:59 935
  • Биолог коронавирусдан ҳимояланиш бўйича «аниқ маслаҳат» берди 22 июн, 19:28 868
  • Ислом Тўхтахўжаев: "Футболни тушунадиган инсон муаммо фақат ҳимояда эмаслигини билиб турганди" 22 июн, 19:20 903
  • Артем Дзюба: "Бизда ҳамма қарорлар — орқага. Бизда дарвозабон — плеймейкер" 22 июн, 18:04 749
  • Ўзбекистон МТЖ футболчисига Европа клубларидан таклиф бор 22 июн, 17:34 1 404
  • Сирдарёда енгил ва юк машиналари тўқнашувида икки киши жабрланди 22 июн, 17:00 479
  • «Барса» президенти Роналдуни жамоага таклиф қилмоқчи 22 июн, 16:26 728
  • Бўлимлар