«Замин»ни Telegram’да ўқинг! Join!
Zamin.uz
, 18 2021, 06:44
ЎЗO‘Z

Тўлаган Исоқов "Пахтакор"нинг ОЧЛдаги омадсизлиги, Хюистра ва ўзининг таклифи ҳақида

06 мая, 09:00 1 527 Спорт
«Замин»ни Telegram’да ўқинг!
Тўлаган Исоқов "Пахтакор"нинг ОЧЛдаги омадсизлиги, Хюистра ва ўзининг таклифи ҳақида
Ўзбекистон чемпиони, биринчи рақамли жамоаси ҳисобланган “Пахтакор”нинг Осиё Чемпионлар лигасидаги иштироки барчамизнинг хафсаламизни пир қилди. Клубнинг гуруҳда қолиб кетганини кўриш оғир ботди. Барибир ўтган йилги етакчиларнинг кетгани жиддий таъсирини кўрсатгани билиниб қолди. Уларнинг ўрни етарли даражада тўлдирилмагани ҳам сезилди.

Бош мураббий Питер Хюистра ҳам Чемпионлар лигасида олдига қўйилган вазифани уддалай олмади. Фақат биргина юпанч сифатида шуни айтиш мумкинки, “Пахтакор”да иқтидорли ёшлар пайдо бўляпти. Клубнинг Осиё Чемпионлар лигасидаги муваффақиятсиз иштирокидан келиб чиққан ҳолда ЎФА фахрийлар кенгаши раиси, фаолиятини “Пахтакор”га бағишлаган Тўлаган Исоқов ўз фикрлари билан ўртоқлашди.

“Ёшларнинг ўйини менга ёқди”
- “Пахтакор” 1956 йилдан ташкил этилганини ҳисобга олсак, клуб ҳар 3-4 йилда бир қийинчиликка тушади. Ҳомийлар жамоани ташлаб кетди, деб эшитдим. Ҳозир футболда фақат пулни ўйлашяпти. Агар пул бўлмаса, футболчи ўйнагиси ҳам келмайди. “Пахтакор”ни етакчилар тарк этди, Машарипов, Ҳамдамов...Ҳамробековни эса ижарага беришди. Лекин қувонарли тарафи ҳам бор. Осиё Чемпионлар лигасида қўрқмасдан ёшларни ўйнатишди, тўғрими? Менга уларнинг кўрсатган ўйини ёқди. Бундан Ўзбекистон ва “Пахтакор”нинг келажаги бор экан, деб хулоса қилдим. Эшитишимга қараганда, клуб сафарга кетишдан олдин давлатдан кредит олган. Пул танқислиги ёшларга унчалик билинмаса ҳам катта ёшдаги футболчиларга таъсир қилади.

“Ҳамма клубда бир хил имконият яратилиши керак”
- Олдин ҳам айтгандим, Ўзбекистонда футболни бошқача қилиш керак. Ҳамма жамоа бир хил имкониятда бўлиши керак. Ана шунда рақобат кучаяди. Футболчиларнинг жамоадан-жамоага сакраб юришлари камаяди. Клубларда ёшлар билан ишлаш тизими бўлиши керак. Мана, “Насаф”, “Пахтакор”, “Бунёдкор”да иқтидорли ёшлар чиқяпти. Терма жамоаларга қайси клублардан ёшлар чақириляпти. Шунга қараб кимнинг қандай ишлаётганини билса бўлади. Айрим жамоаларда юқорига интилиш йўқ.

“Улар ишлайдиган пулга Арвеладзе ёки бошқасини олиб келиш шарт эмасди”
- Питер Хюистрани яқиндан билмайман. Шота Арвеладзени ҳам ҳатто яқиндан билмасдим. Улар ишлайдиган пулга Арвеладзе ёки бошқасини олиб келиш шарт эмасди. Ўзимизникилар ҳам бундай шароитга биринчи ўринни олиб беришарди. Ҳамма зўр ўйинчилар ва яхши пул билан қийин эканми, биринчи ўринни олиш?! Хюистра Арвеладзега ёрдамчи бўлиб ишлаган. Бу мураббий билан “Пахтакор”да нимани кутиш мумкин? Ҳозирча ҳеч нимани кута олмаймиз. “Пахтакор” энг зўр жамоамиз. Лекин Осиё Чемпионлар лигасида кўрдик. Футболни тушунамиз. Ўз фикримиз бор. “Шаржа” билан учрашувда 2-3 та футболчи ўйин тақдирини ҳал қилиб қўйди. Кейинги ўйинга ёшларни туширишди, улар қўрқмасдан ўйнашди. Бу албатта, менинг фикрларим.

“Футбол бизнесга айланиб кетган”
- Эсимда, мени “Пахтакор” ўринбосарларига олишганида илк ойлигим 60 сўм эди. Фаррошнинг ойлиги эса 70 сўм эди. Бир йилда ўйинчилигимни исботлаганман. Ойлик маошимни 250 сўмгача ошишига ўз кучим билан эришганман. Ҳозир эса футболчилар ўз ўйинини кўрсатмасдан туриб клубдан катта пуллар сўрашяпти. Бу нотўғри. Фақат самолёт сўрашмаяпти холос. Бутун фаолиятимни “Пахтакор”га бағишлаганман. Ҳеч қайси клубга кетмаганман. Шунинг учун жамоадаги омадсизликни кўриш оғир ботади. Ахир “Пахтакор” Ўзбекистоннинг фахри. Ҳозир футбол бизнесга айланиб кетди. Барибир юқорида айтганимдек, ҳамма клубларнинг имкониятларини тенглаштириш лозим.

Фақат футболчилар ҳозир сўраётган пулига яраша муносиб ўйини билан жавоб беришмаяпти. Масалан, Черанни биринчи бўлиб “Насаф” олиб келган. Кейин “Пахтакор” яхши пул таклиф қилгани учун у ердан кетган. Жамоадаги ёшлар аввало ўйнашсин, ўзларини кўрсатишсин. Футболчилар ютгандан кейин талаб қилишсин. Мана, Шомуродовга ўхшаган ўйинчиларимиз кўпайса биз ҳам хурсанд бўламиз. Агар Элдорга ўхшаган футболчиларимиздан яна 3-4 та бўлса, жаҳон чемпионатига чиқсак бўлади.

Шуҳратбек Жўраев




 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • "Пахтакор" Европа Чемпионлар лигасида 8 та гол урган футболчи билан шартнома имзолади 16 авг, 10:56
  • Бугун футбол. «Насаф» Қаршида Амирлик клубини қабул қилади 20 фев, 15:00
  • Тожикистон терма жамоаси аъзоси янги мавсумни "Насаф"да бошлаши мумкин 04 янв, 23:02
  • «Пахтакор» акцияларининг 80 фоизи инвесторга сотилади 01 сен, 08:31
  • «Бунёдкор» ўз майдонида «Пахтакор»ни йирик ҳисобда мағлуб этди 29 апр, 21:01
  • «Пахтакор» «Бунёдкор»ни енгди ва биринчи ўринга қайтди 31 мая, 22:35
  • Сўнгги янгиликлар
  • Абрамовнинг чиройли ибтидоси шармандали интиҳо билан якунланди 17 июн, 23:41 255
  • Эсингиздан чиқмасин, терма жамоа - бу халқники! Навбатдагиси шунчаки муваффақиятсизлик эмас, бунга ким жавоб беради? 17 июн, 23:19 694
  • Мурод Ризаев: Абрамовнинг энг асосий хатоси – еттинчи қитъани кашф қилгани 17 июн, 22:30 935
  • МИБ: Оқолтин туманида уч ёшли бола онаси тарбиясига олиб берилди 17 июн, 22:06 388
  • Ишдан кейин оёқ оғришининг асосий сабаблари ва бундан халос бўлиш ечимлари 17 июн, 21:30 573
  • Колбаса ўғриси қўлга тушди 17 июн, 21:16 489
  • Эркаклар саломатлиги учун жуда фойдали маҳсулот 17 июн, 21:14 863
  • Фатво ҳайъати: «Чигиртка ҳалол. Кўнгли кўтарган бемалол ейиши мумкин» 17 июн, 19:45 814
  • Путин ва Байден учрашувда бир-бирига қандай совға бергани маълум бўлди 17 июн, 19:01 1 042
  • «Энди ҳар бир хонадонга бизнес-режа ёзиб берилади» — Президент 17 июн, 18:30 447
  • Очиқлик сари катта қадам. Президент фармони эълон қилинди 17 июн, 17:47 1 091
  • Вадим Абрамов истеъфога чиқарилдими? 17 июн, 17:17 1 060
  • Бўлимлар