Қирғизистон президенти Садир Жапаров Тожикистон билан чегарадаги вазият юзасидан расмий баёнот берди.
Жапаров Қирғизистоннинг барча аҳолисини, биринчи навбатда сиёсий кучлар ва оммавий ахборот воситаларини тинч бўлишга, провокацияларга берилмасликка, душманлик ва ихтилофни қўзғатмасликка чақирди.
“Биз ҳар доим тожик биродарларимиз билан тил топишамиз ва барча масалаларни фақат қадимий заминимиздаги яхши қўшничилик манфаатлари ва розилигини ҳисобга олган ҳолда ҳал қиламиз”, - деди Қирғизистон Президенти.
Қирғизистон раҳбари таъкидлашича, хавф можарони ичкаридан туташтирмоқчи бўлган шахслар томонидан юзага келган. Жапаров барча сиёсий кучларни тийилишга чақирди.