«Замин»ни Telegram’да ўқинг! Join!
Zamin.uz
, 16 2021, 23:53
ЎЗO‘Z

Шавкат Мирзиёев Яшнободдаги «Парвоз» маҳалласида бўлиб, аҳоли ҳаёти билан танишди

24 апр, 09:49 909 Жамият
«Замин»ни Telegram’да ўқинг!
Шавкат Мирзиёев Яшнободдаги «Парвоз» маҳалласида бўлиб, аҳоли ҳаёти билан танишди
Фото: Президент матбуот хизмати
Президент Шавкат Мирзиёев Яшнобод туманидаги «Парвоз» маҳалласида бўлиб, аҳоли ҳаёти билан танишди.

Мамлакатда ҳар бир маҳалладаги «ўсиш нуқталари»ни аниқлаб, аҳолини тадбиркорликка ва ўзини ўзи банд қилишга жалб этиш, коммунал муаммоларни ҳал қилиб, ҳудудини ободонлаштириш чоралари кўрилмоқда. «Парвоз» маҳалласига ташриф чоғида шу борадаги ишлар ижросига эътибор қаратилди.

Бу ердаги 41 та кўп қаватли уйга «Шинам уй-жой» бошқарув сервис компанияси сифатли хизмат кўрсатмоқда. Давлат раҳбари ушбу ширкат биносини кириб кўрди.

Фото: Президент матбуот хизмати
Компанияда тун-у кун диспетчерлик хизмати йўлга қўйилган. 35 доимий, 20 дан зиёд мавсумий иш ўрни яратилган. Бинода «Халқ банки» бўлими ҳам ташкил этилган.
Ҳудудда мактабгача таълим муассасалари, мактаб, спорт майдончалари бор. Президент шу ерда ўйнаётган болаларга эзгу тилаклар билдирди.

«Болаларимиз соғлом бўлиб, кўзларидан нур ёғилса, мен учун энг катта бахт шу. Сизларнинг билим олишингиз, касб-ҳунарлар эгаллашингиз, спорт билан шуғулланишингиз учун ҳамма шароитларни яратишга ҳаракат қиляпмиз. Сизлар яхши ўқиб, ал-Хоразмий, Мирзо Улуғбек боболаримизга муносиб бўлиб, ота-онангиз орзуларини ушалтирадиган инсонлар бўлиб улғайинг», — деди Шавкат Мирзиёев.

Маҳаллада савдо ва хизмат кўрсатиш соҳаларида 157 кичик бизнес субъекти бор. Аҳолини иш билан таъминлаш мақсадида 2021 йилда умумий қиймати 73 миллиард сўм бўлган 6 та лойиҳани амалга ошириш ва 310 та янги иш ўрни яратиш режалаштирилган.

«Бу Тошкент шаҳридаги энг катта маҳаллалардан бири — 10 минг 200 нафардан зиёд аҳоли яшайди. Бу ерда шундай ишлар қилингани бошқа маҳаллаларга намуна бўлиши керак», — деди Президент.

Мутасаддиларга пойтахтдаги барча 524 та маҳаллани шундай обод қилиш, бунинг учун ҳар бирига маблағ ажратиб, лойиҳаларини тасдиқлаш бўйича топшириқ берилди.
Шу ерда нуронийлар, жамоатчилик вакиллари билан самимий суҳбат бўлди.

Фото: Президент матбуот хизмати
«Улуғ айём кунларда сизлар билан кўришганимдан хурсандман. Меҳр кўзда дегандек, ёшлар, нуронийлар билан гаплашсам, ўзимга куч, катта режалар оламан. Одамларнинг ҳар бир гапи менга масъулият бағишлайди. Халқимизни рози қилсак, иншааллоҳ, ажри ҳам бўлади», — деди Президент.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • «Мен ҳам узоқ қишлоқдан чиққан одамман...» – Шавкат Мирзиёев 23 янв, 20:34
  • Шавкат Мирзиёев Бухоронинг «Низомий» маҳалласида қурилган янги уйларни бориб кўрди 22 янв, 20:53
  • Президент Нукусдаги боғча ва поликлиника фаолияти билан танишди (фото) 16 ноя, 22:36
  • Шавкат Мирзиёев Олмазор туманига ташриф буюрди (фото) 29 июн, 13:13
  • Президент Чилонзордаги маҳалла фаоллари билан мулоқот қилди 01 июн, 23:08
  • Президент Яшнободдаги дўконга кирди 28 окт, 21:28
  • Сўнгги янгиликлар
  • Микаэль Секейра: "Футболчиларга ўйин услубимни тўлиқлигича сингдириб бўлмадим" 16 сен, 23:30 0
  • Божхоначилар қонунбузарликнинг ғайриоддий усулини фош қилишди 16 сен, 23:08 0
  • “Насаф” ОФК кубоги ярим финалида Осиёнинг энг қадимий клубларидан бирига қарши ўйнайди 16 сен, 22:48 0
  • Ҳамиджон Актамов: "Чиройли ўйин кўрсатган бўлсак-да, бу эсдан чиқади ва тарихда натижа қолади" 16 сен, 22:20 0
  • Рўзиқул Бердиев: "Вазиятлар яратишда рақибдан устунлик қилдик" 16 сен, 22:05 0
  • Ашхободда шорти кийиш тақиқлангани хабар берилди 16 сен, 21:40 21
  • Шавкат Мирзиёев Покистон бош вазири билан учрашди 16 сен, 21:15 98
  • Суперлига. "Насаф" "Қизилқум"ни кичик ҳисобда мағлуб этди 16 сен, 20:56 152
  • ФИФА терма жамоаларнинг янги рейтингини эълон қилди 16 сен, 20:44 232
  • Шавкат Мирзиёев Душанбеда Эмомали Раҳмон билан учрашув ўтказди 16 сен, 20:20 128
  • Жаҳонгир Хўжаев актрисага уйланишига онаси қандай муносабатда эканлиги ҳақида (видео) 16 сен, 19:44 586
  • ЙПХ ходимларининг янги формалари намойиш этилди (фото) 16 сен, 19:26 177
  • Бўлимлар