«Замин»ни Telegram’да ўқинг! Join!
Zamin.uz
, 06 2021, 08:40
ЎЗO‘Z

Хитой йигит билан саҳарлик ва ифтор қилдим...

17 апр, 00:48 1 849 Жамият
«Замин»ни Telegram’да ўқинг!
Хитой йигит билан саҳарлик ва ифтор қилдим...
Бугун тонгда ётоқхона ошхонасига кириб саҳарликка таом тайёрлаётган эдим. Соат тахминан 4 лар атрофи (саҳарлик 05:07 гача). Ётоқхона сув қуйгандек жим-жит. Бизнинг қаватда мендан бошқа рўза тутадиган мусулмон йўқлигини билганим учун бемалол ошхонада стол устига нарсаларни ёйиб, ишлаётгандим. Бир вақт секин эшик очилди. Қарасам бир хитой йигит қўлида овқати билан кириб келди.
- Ассалому алайкум.
- Ҳай.
Бориб микротўлқинли печда овқатини иситишга қўйди. Тўхта, менга «Ассалому алайкум» дедими? Мен эса унга «Ҳай» дедим, нима у мусулмонми? Ўзим билан ўзим гаплашаётган жойимда у гап бошлаб қолди.
- Саҳарликка тайёргарликми?
- Шундай.
- Кечирасан, бу ердаги масжид қаердалигини биласанми?
- Албатта, биламан, вичат илованг борми?
- Ҳа бор.
- Унда сенга масжиднинг манзилини ташлаб бераман.
- Йў-ўқ, мен масжиднинг қаердалигини ўзим биламан. Мен сени кечга масжидга таклиф қилмоқчи эдим
- Зўр-ку, албатта.
- Бу мевалар сенга.
- Катта раҳмат.
- Исминг нима? Қаерликсан?
- Исмим Бахтиёр, агар бу талаффузга қийинчилик туғдирса, хитойча исмим билан чақиришинг мумкин. Бажиа. Ўзбекистонданман.
- Менинг исмим Аҳмед. Хитойча исмим Зҳижиан Ли. Аҳмед ёки Ли деб чақиришинг мумкин. 
- Яхши, менга Аҳмед қулай.
- Майли, унда кечки пайт хабарлашамиз.

Суҳбат жуда тез ва қисқа вақтда бўлиб ўтганидан нималар бўлганини англай олмадим. Тўғри, Хитойда мусулмонлар анчагина, уларнинг умумий сони Ўзбекистондаги мусулмонлардан ҳам кўплиги аниқ. Лекин улар асосан уйғур, дунган миллатига мансуб бўларди. Хан миллатига мансуб мусулмон хитойни илгари кўрмаганим учун бу ҳолат мени бироз ҳайратга туширган эди.

Кечки пайт, ифторга яқин хабарлашдик. Масжидга йўлга тушадиган бўлдик. Аёли дарсда экан, чиқса, хабар бераман деди. Вақт роса шомга тақалиб қолгани учун уйда оғзимни очдиму, шомни ўқиб олдим. Хабар келди. Ётоқхонанинг биринчи қаватида кўришдик. Машина чақириб қўйган экан, бирга масжидга йўл олдик. Йўл-йўлакай гаплашиб кетдик. Хотининг исми Алия экан, у ҳам хитойлик. Лекин мусулмон эмас, адашмасам католик деди. Ундан қачон мусулмон бўлдинг, деб сўрасам, мен мусулмон бўлиб туғилганман, деди. Унинг ҳар бир гапи мени ҳайратга соларди. Йўл-йўлакай Қуръон, араб тили, намоз ҳақида суҳбатлашиб кетдик. Икки гапнинг бирида "Машааллоҳ" деб қўяди. Эр-хотин инглиз тилини ҳам зўр билар экан.

Масжидга пандемиядан аввал жумага борар эдик. Пандемия бошланиб, масжид ҳам ёпилди. Яқинда очилди, деб эшитгандим, лекин ҳали бирор марта бормагандим. Масжидга борганимизда, ичкарида 10-15 чоғлик одам. 5-6 та эркаклар ва қолганлари аёллар. Ерга учта жойга дастурхон тўшалган ва ифторлик қилишмоқда. Бизни кўриб масжид имоми хурсанд бўлиб келинглар, келинг, деб кутиб олди. Чет элликлардан битта мен, холос, қолганлар хитойликлар. Биргаликда ифторлик қилдик.  

Кейин эркаклар олд тарафда, аёллар орқада хуфтон ва таровеҳ ўқидик. Масжидда таровеҳ ўқимаганимга ҳам икки йилдан ошибди. Қалбим қандайдир ўзгача сурурга тўлди. Намоздан сўнг яна уччовимиз ётоқхонага қайтдик. Қайтишда йигит мендан пиццани қаердан олганимни сўради. Эрталаб у ошхонага кирган вақтда мен пиццани эндигина печга қўяётган эдим. Ўзим тайёрладим десам, ҳаммасиними дейди, ҳа дедим. Менимча, унга овқат қила олишим буткул ҳайратланарли туюлди (Хитойда ёшлар одатда уйда овқат қилишмайди, ошхонадан тайёрини буюртма қилишади). Унда бирор куни вақтинг бўлганда менга ҳам ўргат деди. Майли, бирор куни бирга тайёрлаб ифторлик қиламиз, деб хайрлашдим.
Бугун хитойликларнинг мен учун бошқа бир қиррасини кашф қилган эдим. Демак, ҳали Хитойда мен билмаган кўп нарсалар бор...
Бахтиёр Шералиев




 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • "Аллоҳга шарт қўйишга ҳақимиз борми?" 12 июл, 17:32
  • Рамазон ойида оғиз ёпиш ва очиш вақтлари 23 апр, 22:46
  • Қабрдан олинган насиҳат 12 ноя, 18:03
  • Эҳтиёжмандларга эслатма: Тошкентда саховатли инсонлар саҳарлик таомини бепул тарқатмоқдалар 05 июн, 17:36
  • Тошкентда саховатли инсонлар саҳарлик таомини бепул тарқатмоқдалар 18 мая, 19:26
  • «Амир Темур қабри очилгач, фалокат бўлган», деган гапга уламоларимиз нима дейди? 16 янв, 20:19
  • Сўнгги янгиликлар
  • БААда автомобиль рақами 10 млн доллардан қимматроққа сотилди 06 мая, 08:00 1
  • Даврон Файзиев: Икки муносиб жамоанинг тўқнашуви ва аристократча якун 06 мая, 04:22 483
  • Зидан: "Челси" муносиб ғалабага эришди. Биз шундоқ ҳам анча узоққа бордик, йигитларим билан фахрланаман" 06 мая, 04:11 425
  • ЕЧЛ. "Челси"га "Реал"нинг кучи етмади — бизни инглизча финал кутмоқда 06 мая, 02:40 707
  • Ўзбекистонда ўсимлик ёғи импорти ҚҚСдан озод қилинганидан сўнг қарийб икки баравар ошди 06 мая, 00:16 1 444
  • Божхоначилар қонунбузарликка чек қўйишди 05 мая, 23:55 744
  • Қонунчилик палатаси «Виждон эркинлиги ва диний ташкилотлар тўғрисида»ги янги қонунни қабул қилди 05 мая, 23:30 886
  • Божхоначилар 550 млн. сўмлик сифати кафолатланмаган дори воситаларини тўхтатиб қолишди 05 мая, 23:03 813
  • Ҳайдовчилар уч хил ҳужжатни кўрсатиш мажбуриятидан озод бўлади 05 мая, 22:44 1 560
  • Қинғир режа амалга ошмади 05 мая, 22:22 1 056
  • Солиқ органлари ходимларни тўғридан тўғри ишга қабул қилиши тартиби бекор қилинади 05 мая, 21:52 1 566
  • Францияда эр кўчанинг ўртасида хотинини тириклайин ёқиб юборди 05 мая, 21:33 1 838
  • Бўлимлар