«Замин»ни Telegram’да ўқинг! Join!
Zamin.uz
, 17 2021, 06:39
ЎЗO‘Z

“Ёш чегарачилар” ҳарбий-академик лицейи ўқишга таклиф этади

14 апр, 21:44 2 279 Жамият
«Замин»ни Telegram’да ўқинг!
“Ёш чегарачилар” ҳарбий-академик лицейи ўқишга таклиф этади Ўзбекистон Республикаси Вазирлар Маҳкамасининг 2020 йил 11 августдаги 473-сонли “Ёш чегарачилар” ҳарбий-академик лицейи фаолиятини ташкил этиш бўйича қўшимча чора-тадбирлар тўғрисида”ги қарорига мувофиқ, Ўзбекистон Республикаси Давлат хавфсизлик хизмати Чегара қўшинлари тасарруфида Сурхондарё вилоятида Термиз шаҳрида “Ёш чегарачилар” ҳарбий-академик лицейи 2021 йил 1 сентябрдан ўз фаолиятини бошлайди.

“Ёш чегарачилар” ҳарбий-академик лицейида ўқиш давомийлиги икки йил бўлиб, жорий йилда умумтаълим мактабларини 9-синфини тамомлаётган эркак жинсли Ўзбекистон Республикасининг фуқаролари ўқишга қабул қилинади. Ўқувчилар ётоқхона, ҳарбий кийим бош ва озиқ-овқат билан таъминланади.

Таълим йўналиши: 50 фоиз ўқувчилар аниқ фанлар, 50 фоиз ижтимоий-гуманитар фанлардан иборат.

Мазкур лицей битирувчиларига қуйидаги имтиёзлар берилади: “Ёш чегарачилар” ҳарбий-академик лицейини имтиёзли диплом билан тугатганларга таълим йўналишига қараб, Ўзбекистон Республикаси ДХХ Академияси ёки Қуролли Кучлар Академияси Чегара факультетига тест синовларисиз кириш ҳуқуқи берилади.

Ўзбекистон Республикаси олий ҳарбий ва ихтисослаштирилган таълим муассасаларига ўқишга киришда Ўзбекистон Республикаси Вазирлар Маҳкамаси ҳузуридаги Давлат тест маркази томонидан ўтказиладиган тест синовларида ўзлари тўплаган балларнинг 30 фоизи миқдорида, республиканинг бошқа давлат олий таълим муассасаларига ўқишга киришда эса ўзлари тўплаган балларнинг 15 фоизи миқдорида қўшимча баллар кўринишида имтиёз берилади. Бундан ташқари, битирувчилар “В”, “С” тоифали ҳайдовчилик гувоҳномасига эга бўлишади.

“Ёш чегарачилар” ҳарбий-академик лицейида ўқишга кириш истагини билдирган шахслар ариза билан ўзларининг яшаш жойларидаги Мудофаа ишлари бўлимларига (масалан, Андижон вилояти, Пахтаобод туманида яшовчи шахс Пахтаобод туман Мудофаа ишлари бўлимига) жорий йилнинг 1 май кунига қадар мурожаат қилишлари мумкин. Аризада ўзингиз танлаган аниқ ёки ижтимоий-гуманитар фанлар таълим йўналишини кўрсатишингиз шарт.

Номзодлар дастлабки ва ҳарбий-касбий танловлардан муваффақиятли ўтганларидан сўнг тест синовларига қўйилади.

Тест синовлари Ўзбекистон Республикаси Вазирлар Маҳкамаси ҳузуридаги Давлат тест маркази томонидан ўрнатилган тартибда ўтказилади.
Тест топшириқлари умумий ўрта таълим фанларининг (5-9 синфлари кесимида) Давлат таълим стандартларига мувофиқ тузилади.

Номзодлар тест синовларини ўз ихтиёрларига кўра уч тилнинг бирида – ўзбек, қорақалпоқ ва рус тилларида топширишлари мумкин, шунингдек, ўзлари танлаган аниқ ёки ижтимоий-гуманитар фанлар таълим йўналишига топширадилар.

Дастлабки ва ҳарбий-касбий танлашдан муваффақиятли ўтган қуйидаги номзодлар “Ёш чегарачилар” ҳарбий-академик лицейига тест синовларисиз ўқишга кабул қилинади:

Ушбу тоифадаги номзодлар лицейнинг қабул комиссиясининг тавсиясига асосан рухсати билан квотадан ташқари ўқишга қабул қилиниши мумкин.

Жисмоний тарбия ва спорт вазирлиги раҳбарлигида ўтказилаётган республика ва халқаро спорт мусобақаларининг ғолибларига Ўзбекистон Республикаси Вазирлар Маҳкамаси ҳузуридаги Давлат тест маркази томонидан лицейга кириш учун ўтказилаётган тест синовларида улар тўплаган балларнинг 20 фоизи миқдоридаги қўшимча баллар кўринишида имтиёз берилади.

Мазкур лицейда юқори билим даражали, интеллектуал салоҳият ва профессионал маҳоратга эга ўқитувчилар томонидан дарслар ўтилади.

Ўқувчилар ўзларининг қобилиятларини намоён қилиш ва ривожлантириш, ўз салоҳиятини ўстириш мақсадида чуқурлаштирилган билим олишлари учун зарур имкониятлар яратилиб, барча фанлар бўйича машғулотларни ўтказиш вақтида ўқувчилар кичик гуруҳларга бўлиб ўқитилади.

Эътиборли жиҳати шундаки, “Ёш чегарачилар” ҳарбий-академик лицейи барча шароитларга эга бўлиб, ўқувчилар учун ўқ отиш машғулотлари, психологик тренинглар, билимдонлик ўйинлари, экскурсиялар, турли кўнгилочар тадбирлар ва спорт мусобақалари ўтказилиб келинади.

Шошилинг, Сизда ҳали имконият бор!



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Жиззахда махсус ҳарбий автомобиль, Nexia-2 ва Damas иштирокида ЙТҲ содир бўлди 25 мар, 12:15
  • Махсус синовдан ўтганларга бир ойлик ҳарбий хизмат тўлови учун 50 фоиз чегирма берилади 17 фев, 13:00
  • Ёш йигитларга оғир гантель кўтариш зарарми? 25 янв, 07:30
  • Академик прогнози: кузда коронавирус пандемияси қандай кечади? 27 авг, 14:10
  • Бу йилги энг ёш абитуриент 13 ёш, энг каттаси эса 95 ёшда 22 июл, 15:07
  • “O‘zbekiston” телерадиоканалида “Мулоқот вақти” кўрсатуви жонли кўрсатилади 03 авг, 20:02
  • Сўнгги янгиликлар
  • Дарвозабон ҳам гол урди: Алиссонинг 90+5-дақиқадаги голи «Ливерпуль»га ғалаба келтирди 16 мая, 23:54 499
  • «Шабоб ал-Аҳли» 90+4-дақиқадаги гол эвазига БАА президенти Кубогини қўлга киритди 16 мая, 23:48 444
  • Ҳатто Хитой Фаластинни қўллаётганда араб давлатлари жим. Нега? 16 мая, 23:45 337
  • «Мен қандай қилиб бой бўлдим...» 16 мая, 22:55 680
  • Муроджон Аҳмадалиевга камарларини бой берган Даниэль Роман бугун қандай ғалаба қозонди? (Видео) 16 мая, 22:10 692
  • «Уфа» автогол эвазига ғалаба қозониб, РПЛда қолиш масаласини уддалади 16 мая, 21:43 581
  • «Қўлларини боғлаб, икки соат зўрлашган». Андижонда 18 ёшли келинни зўрлаганликда олти киши гумон қилинмоқда 16 мая, 21:06 1 959
  • Андижонда 5 ойлик келинчак 5 нафар эркак томонидан зўрлангани айтилмоқда 16 мая, 20:23 524
  • Ушбу инфекциялар билан оғриган бўлсангиз, юрагингиз алоҳида парваришни талаб этади 16 мая, 19:45 756
  • Шавкат Мирзиёев Ўзбекистоннинг ташқи қарзи ҳақида гапирди 16 мая, 19:09 1 525
  • Машинада узоқ йўлга отланаётганларга асқатадиган фойдали тавсиялар 16 мая, 18:32 686
  • "Олтин Аср" бош мураббийи: "Биринчи турда дуранг ўйнадик, шу боис энди очко йўқотишга ҳаққимиз йўқ" 16 мая, 17:55 558
  • Бўлимлар