«Қадам» сериалидаги Кумуш образи билан томошабинлар эътиборига тушган актриса Камила Гимандинова YouTube каналлардан бирига берган интервьюсида таниқли актёр ва режиссёр Саид Мухторовнинг унга нисбатан ножўя хатти-ҳаракатлари ҳақида сўзлаб берди.«Мен у билан бирга ишлаганман, унинг киноларида мен оммавий саҳналарда суратга тушганман. Энг қизиғи у менинг бобом тенги. Мен ўшанда 14 ёшда бўлсам, у эса 50 ёшдан ошган эди. Ўша воқеадан кейин мен бу соҳадан кетгандим, ҳеч қачон қайтмайман, деб ўйлагандим. Бу воқеа ‘Ўзбекфильм’да бўлган.
У ниятига эриша олмаган, сумкам билан юзига уриб қочиб кетганман. У бувимни ва дадамни жуда яхши танирди. Бувим мени унга ишонарди. У инсон ҳақида фикримиз яхши эди», — дейди актриса.