Фото: УСПТОАҚШ Товар белгилари ва патентлар идораси (USPTO) автомобилдаги йўловчилар оёғини массаж қилишга мўлжалланган пневматик тизим учун патент аризасини топширди, деб хабар беради Motor.
Ҳозирги кунда ўриндиқларга ўрнатилган массаж функциясини премиум синфига кирувчи кўплаб автомобилларда учратиш мумкин, бироқ General Motors концерни муҳандислари изланишларни давом эттириб, йўловчилар оёғини массаж қиладиган тизимни ўйлаб топди. Патент аризасида мураккаб пневматик конструкцияга изоҳ берилган бўлиб, у оёқни автомобиль полидаги ривожланган ҳаво айлантирувчи тизим ва уларга қотирилган сиқилган ҳавога эга баллонлар ёрдамида массаж қилади. Массаж барча йўловчилар учун мўлжалланган бўлиб, ҳайдовчи ундан фойдалана олмайди.
Албатта, товонларни массаж қилувчи пневматик тизимдан фойдаланиш учун йўловчи оёқ кийимини ечиши керак. Шу билан бирга, патентда оёққа келиб уриладиган ҳавонинг иситилиши ҳақида ҳеч нарса дейилмаган, шу сабабли тизимнинг фойдаси ҳозирча шубҳа остида қолмоқда.
Конструкциянинг мураккаблигини оқилона деб атаб бўлмайди — механик тизимдан фойдаланиш оптимал ва ишончли бўлган бўлар эди. Умуман олганда, пневматик массажнинг серияли ишлаб чиқаришдаги истиқболлари ҳақида ҳеч қандай маълумотлар мавжуд эмас.