«Замин»ни Telegram’да ўқинг! Join!
Zamin.uz
, 17 2021, 10:51
ЎЗO‘Z

АҚШ Арктикада Россияга қарши курашиш учун сунъий йўлдошларни янгиламоқчи

28 фев, 22:00 1 236 Дунё
«Замин»ни Telegram’да ўқинг!
АҚШ Арктикада Россияга қарши курашиш учун сунъий йўлдошларни янгиламоқчи Фото: Reuters
АҚШ ва Канада Арктикада Россия ва Хитойнинг ўсиб бораётган ҳарбий иштирокига самаралироқ қаршилик кўрсатиш учун у ерда сунъий йўлдошлар ва радарлар тизимини янгилашни режалаштирмоқда, деб ёзади «РБК» The Wall Street Journal’га таяниб.

Газета маълумотларига кўра, АҚШ президенти Жо Байден Канада бош вазири Жастин Трюдодан мудофаа учун, шу жумладан, Шимолий Америка ҳаво-космик мудофаа қўмондонлиги (NORAD) модернизацияси учун харажатларни оширишни сўраган. Етакчилар бу масалани 23 февраль, сешанба кунги музокаралар чоғида муҳокама қилган.

Нашр эслатишича, NORAD Совуқ уруш даврида собиқ иттифоқни тийиб туриш стратегиясининг марказий элементи бўлган. Тизим сунъий йўлдошлар, ер устидаги радарлар ва Ҳарбий-ҳаво кучлари базаларидан иборат, улар асосан Аляскада ва Канаданинг шимолий ҳудудларида жойлашган. Унинг вазифаси — АҚШ ва Канадани шимолдан бўладиган ҳар қандай ҳужум ҳақида огоҳлантириш.

Аммо Канадада NORAD бўйича собиқ сиёсий маслаҳатчи Майкл Доусон таъкидлашича, мудофаа тизими эскирган. Россия ва Хитой армияси ихтиёридаги янги ракеталар товушдан беш карра ортиқроқ тезликда ҳаракатлана олади ва анча узоқроққа учади, деди у. Бу мавжуд аэрокосмик мудофаа тизимига қақшатқич зарба беради, деб ҳисоблайди Доусон.

Бундан ташқари, Шимолий Муз океани музларининг эриб, анча узоқроқ муддатга у ердан ўтиш мумкин бўлиб қолиши ҳам АҚШ ва Канаданинг заифлигини оширмоқда.

Трюдо билан музокаралардан кейин Байден улар «икки давлатнинг бу турдаги ягона ҳарбий қўмондонлиги бўлиб қолаётган» NORAD’ни модернизация қилишга келишиб олганини маълум қилди.

«Қитъа хавфсизлиги, иқтисодий ва ижтимоий ривожланиш ва Арктикани бошқариш билан боғлиқ масалаларни қамраб олиш учун биз кенгайтирилган Америка—Канада музокараларини бошлаймиз», — дея таъкидлади АҚШ президенти.

Вашингтонда аввалги президент маъмурияти давридаёқ Россияни Арктика минтақасида тийиб туриш зарурияти ҳақида бир неча марта айтишган эди. Январь бошида АҚШ Ҳарбий-денгиз кучлари Арктикада Россия қирғоқлари яқинида мунтазам патруллик олиб бориш режалари ҳақида маълум қилган эди. Ҳарбий-денгиз кучлари вазири Кеннет Брэйтуэйт айтишича, Вашингтон Россия ва Хитой даъволарига қаршилик кўрсатиш учун Арктикада «янада қаттиқроқ туриб ҳаракат қилиши» керак.

Февралда Пентагон Россия АҚШ ва унинг Европадаги иттифоқдошлари учун хавф бўлиб қолишда давом этаётганини тасдиқлади. АҚШнинг Европадаги қўмондонлиги раҳбари Тод Уолтерс Москва ва Пекинни «Арктика минтақасини ҳарбийлаштириш»га уринишда айблаган эди.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • AҚШ ва Канада Хитойга қарши бирлашди 24 фев, 20:13
  • SpaceX навбатдаги сунъий йўлдошлар гуруҳини орбитага учирди 25 окт, 16:35
  • АҚШ Аляска яқинида Россия бомбардимончиларини тутиб олди 13 сен, 13:22
  • Арктикада океан тубидан сирли шовқин келмоқда 05 ноя, 12:25
  • Эрдўғон: Туркия ҳарбий-ҳаво кучлари Су-24 га ҳужум қилиш пайтида унинг Россияга тегишли эканлигини билмаган 25 ноя, 15:41
  • New York Times: АҚШ Арктикани Россияга бой бермоқда 30 авг, 10:57
  • Сўнгги янгиликлар
  • 2021 йилги кунлик антирекорд янгиланди — бир кунда 316 кишида касаллик тасдиқланди 17 апр, 10:25 0
  • Шавкат Мирзиёев мансабдорларнинг ишдан олинишини уларнинг билимсизлиги билан изоҳлади 17 апр, 10:11 0
  • АОКА «Дарё» мухбири ва ИИБ ходими ўртасидаги воқеа юзасидан баёнот берди 17 апр, 09:30 0
  • Ироқда ИШИДнинг хазинаси топилди 17 апр, 08:56 447
  • Қозоғистонда Су-30 қирувчи самолёти фалокатга учради 17 апр, 08:30 320
  • Янги Зеландия чекишни бутунлай тақиқлаш бўйича муҳим қадам қўйди 17 апр, 08:00 308
  • ДХХ ходимлари Андижонда 100 гектар ерни 128 минг долларга сотишга уринган ҳокимият ходимини ушлади 17 апр, 07:30 472
  • Хитой йигит билан саҳарлик ва ифтор қилдим... 17 апр, 00:48 1 048
  • Янгийўлда юк машинаси ёниб кетди 17 апр, 00:10 703
  • Виктор Жалилов: "Дарвозабонимизнинг мустаҳкам ўйини бўлмаганда, бугун ютқазишимиз ҳам мумкин эди" 16 апр, 23:43 653
  • Исломбек Исмоилов: "Навбаҳор" билан дуранг адолатли натижа бўлди" 16 апр, 23:25 665
  • Микаэль Секейра: Ўзбек футболига мослашишга тўғри келяпти 16 апр, 23:00 766
  • Бўлимлар