Фото: «Vrachivmeste.ru»Ҳеч қандай сабабсиз кўп терлаш — Паркинсон касаллигидан дарак берувчи кенг тарқалган аломатлардан бири. Бу ҳақда Америка Паркинсон касаллиги ассоциациясига таяниб «Express» хабар берди.
Нашрнинг ёзишича, аломатлар одатда секин-аста ривожланади ва арзимасдек кўринади. Ҳаддан ташқари кўп терлаш, мутахассисларнинг сўзларига кўра, тананинг асосан тепа қисмида кузатилади. Агар ўзингизда ушбу аломатни пайқасангиз, шифокорга мурожаат қилинг.
Паркинсон хасталиги — марказий нерв тизимининг секин ривожланиб борувчи дегенератив касаллиги бўлиб, асосан гипокинезия, мушаклар қаттиқлашиши, тинч ҳолатда титраш ва постурал бузилишлар сингари ҳаракат бузилишлари билан ифодаланади.