«Замин»ни Telegram’да ўқинг! Join!
Zamin.uz
, 05 2020, 19:37
ЎЗO‘Z

Ўзбекистон мусулмонлари идораси: Қуръони каримни таҳқирлашга ҳеч кимнинг ҳаққи йўқ!

30 окт, 15:07 782 Жамият
«Замин»ни Telegram’да ўқинг!
Ўзбекистон мусулмонлари идораси: Қуръони каримни таҳқирлашга ҳеч кимнинг ҳаққи йўқ! Ижтимоий тармоқларда 29 октябрь куни ўзини атеист деб таништириб, Қуръон китобининг варақларини йиртиб, уни оёқлари билан босган ҳолда унга нисбатан ҳурматсизлик қилган эркакнинг видеоси тарқалди ҳамда кескин баҳс-мунозара ва норозиликларга сабаб бўлганди. Ўзбекистон мусулмонлар идораси ушбу ҳодисага муносабат билдирди.

- "Бисмиллаҳир Роҳманир Роҳийм.

Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту саломлар бўлсин.

Азиз мўмин-мусулмон юртдошлар! Куни кеча ижтимоий тармоқ саҳифаларида динимизнинг илоҳий манбаси ва энг муқаддас китоби – Қуръони каримга нисбатан ҳурматсизлик акс этган видеолавҳа тарқалди ҳамда кескин баҳс-мунозара ва норозиликларга сабаб бўлди.

Маълумки, Аллоҳ таоло Қуръони каримни инсониятга ҳидоят ва эзгулик манбаи ўлароқ нозил қилган. Шу нуқтаи назардан, қолаверса, қонунчиликка кўра, инсон ким бўлишидан қатъи назар муайян дин вакилининг диний туйғулари, қадриятлари ҳурмат қилиниши шарт, уларнинг таҳқирланишига йўл қўйилмайди.

Ота-боболаримиз қадим-қадимдан Қуръони каримни кўксиларидан пастда тутмаганлар, жойнамозларини ҳам доимо баланд жойга қўйганлар. Масжид атрофидан оҳисталик билан ўтганлар. Азон айтилаётганда беҳуда сўз айтмаганлар. Ана шу жиҳатлардан келиб чиққанда, тарқалган видеолавҳадаги ҳолат юртимиз мўмин-мусулмонларининг кескин норозилигига сабаб бўлди.

Шу ўринда, Ўзбекистон мусулмонлари идораси Қуръони каримни оёқ ости қилиш ҳолатини қаттиқ қоралашини ҳамда бу ноинсоний ҳаракат ҳеч қайси диний таълимотга ҳам, ақлга ҳам, умуман олганда, инсонийлик тамойилига ҳам тўғри келмаслигини билдиради.

Кези келганда, мўмин-мусулмон юртдошларимизга бундай манфур хатти-ҳаракатларга нисбатан тажовузкорона эмас, балки ақлни ишлатиб муносабат билдириш лозим эканини таъкидлаймиз. Чунки қонун ҳужжатларига мувофиқ миллий, ирқий, этник ёки диний мансублигига қараб, аҳоли гуруҳларига нисбатан адоват, муросасизлик ёки нифоқ келтириб чиқариш мақсадида миллий шаън-шараф ва қадр-қимматни камситишга, фуқароларнинг ҳис-туйғуларини ҳақоратлашга қаратилган қасддан қилинган ҳаракатлар жавобгарликка асос бўлади. Шундай экан, бу фуқаронинг қилмиши ҳам, албатта, қонуний асосда кўриб чиқилади.

Ўз навбатида, Қуръони каримни таҳқирлаган мазкур фуқаронинг шахсини аниқлаш бўйича ҳуқуқни муҳофаза қилувчи ташкилотлар томонидан амалий саъй-ҳаракатлар олиб борилаётгани ҳамда конституция ва қонун ҳужжатларига зид равишда диний адоват чиқаришга йўналтирилган хатти-ҳаракатларига нисбатан қонуний чора кўрилишини таъкидлаймиз", - деб ёзади Ўзбекистон мусулмонлари идораси.

Аввал Ички ишлар вазирлиги мазкур видеодаги ҳолат бўйича маълумот берган ва суриштирувлар давомида мазкур шахснинг Мингбулоқ туманидан бўлган Шерзод Турдиев эмаслиги аниқлангани, ўтказилган текширув ҳаракатлари натижасида ушбу видеотасвирни суратга олиб, ижтимоий тармоқларга жойлаштирган шахс аниқланиб, терговга қадар текширув ҳаракатларига жалб қилинганини билдирган.

Вазирлик ахборотига кўра мазкур шахсга нисбатан Ўзбекистон Республикаси Жиноят кодексининг 156-моддаси 2-қисми (миллий, ирқий, этник ёки диний адоват қўзғатиш) билан жиноят иши қўзғатилиб, тергов ҳаракатлари олиб борилмоқда.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • ИИВ: Қуръони каримга ҳурматсизлик қилиб видеога олган «атеист» ушланди 30 окт, 08:01
  • Болаларга энг аввало Қуръонни ёдлатсак… 04 мар, 17:30
  • Дин ишлари бўйича қўмита «Сафар Каттабоев масаласи»га муносабат билдирди 07 фев, 10:10
  • Қадимий Лангар Қуръони Диний идорага топширилди 24 апр, 07:20
  • Тошкент ислом институти қория талабаси 30 пора Қуръонни тўлиқ ёддан ўқиб берди 05 мая, 07:02
  • Қуръон қалбларга нур олиб киради 18 фев, 14:00
  • Сўнгги янгиликлар
  • Двигатели ишламай қолган самолёт трассадаги йўлтанламасга бориб урилди 05 дек, 19:23 0
  • Ўзбекистон волонтёрлари ассоциацияси ташкил этилди 05 дек, 18:55 0
  • 605 миллион сўмлик тиббий буюмларнинг ноқонуний олиб кирилишига чек қўйилди 05 дек, 18:30 1
  • Соч тўкилишига қарши ёрдам берадиган кутилмаган восита номи маълум қилинди 05 дек, 18:00 0
  • "Спартак" Остон Ўрунов трансфери бўйича расмий таклиф олди 05 дек, 17:25 219
  • 600 миллион сўмлик сифати кафолатланмаган товарлар тўхтатиб қолинди 05 дек, 16:57 141
  • Салкам 2 миллиард сўмлик сифати кафолатланмаган дори воситаларини яширинча олиб киришга бўлган уриниш фош бўлди 05 дек, 16:30 159
  • “Ювентус” ҳужумчиси Криштиану Роналдунинг кучи нимада? 05 дек, 16:00 272
  • Қонун ҳужжатлари лойиҳалари давлат тилида тайёрланиши лозим 05 дек, 15:23 206
  • Мэнни Пакьяо 2022 йилда Филиппин президентлигига ўз номзодини қўймоқчи 05 дек, 14:49 227
  • Бурак Ўзчивит ва Ўзге Торер: Уларнинг муносабати ишдаги ишқми ёки миш-миш? 05 дек, 14:14 339
  • Инқироз-2021: келаётган йил сўнгги 75 йилдаги энг оғири бўлиши мумкин 05 дек, 13:40 696
  • Бўлимлар