Фото: ЎФАЎзбекистон миллий терма жамоаси ва «Шаржа» ярим ҳимоячиси Отабек Шукуров Эронга қарши кечган ўртоқлик ўйинидан сўнг ўз фикрлари билан ўртоқлашди.
- Авваламбор ўйин учун раҳмат. Ўйлайманки, мухлислар ҳам ойнайи жаҳон орқали, ҳам стадиондан бизни қўллаб-қувватлаб турди. Ҳаммага маълумки, Эрон Осиёда фаворит жамоа ҳисобланади. Ишлаяпмиз, меҳнат қиляпмиз. Уйда ўйнаб, мағлубиятга учраганимиз учун мухлислардан узр сўраймиз. Лекин меҳнат қилишдан тўхтамаймиз ва насиб қилса, кейинги ўйинларда уларни хурсанд қилишга ҳаракат қиламиз. Олдинда турган расмий учрашувларга эса жиддийроқ, пухтароқ тайёргарлик кўриб, Жаҳон чемпионатига чиқиш учун бор имкониятимизни ишга соламиз, - дейди Отабек Шукуров.
Эслатиб ўтамиз, Ўзбекистон терма жамоаси кейинги ўртоқлик ўйинини 12 октябрь куни Дубай шаҳрида БАА терма жамоасига қарши ўтказади.