«Замин»ни Telegram’да ўқинг! Join!
Zamin.uz
, 31 2020, 18:26
ЎЗO‘Z

“Арсенал” Шомуродовни унутгани йўқ!

27 сен, 15:30 1 520 Спорт
«Замин»ни Telegram’да ўқинг!
“Арсенал” Шомуродовни унутгани йўқ! Россия премьер-лигасининг 9-турида Туланинг “Арсенал” клуби ўз мухлислари кўз ўнгида “Ростов” жамоасини қабул қилади.

Элдор Шомуродов тўп сураётган “Ростов” Европа Лигасини илк учрашувдаёқ тарк этганидан кейин, Валерий Карпин шогирдларининг бор эътиборини миллий чемпионат ўйинлари ва Россия кубоги мусобақасига қаратишдан бошқа йўли қолмади. Шундай бўлса-да, ростовликлар келаси мавсум ҳам “кўҳна қитъа” миқёсидаги турнирлардан бирига йўлланма олиш учун курашади.

Чунки Европа футболи ҳавосидан баҳраманд бўлган ҳар қандай клуб яна бу турнирларни қўмсайверади. Қитъанинг нуфузли мусобақалари моддий томондан ҳам, футболчиларнинг ғалабага иштиёқини уйғотиш ва ошириш жиҳатидан ҳам ҳар бир клуб учун ўта манфаатли ва муҳим омил ҳисобланади.

“Арсенал” кейинги йилларда Россия чемпионатининг ўртамиёна жамоаларидан бирига айланиб қолган. Жорий чемпионатда ҳам тулаликлар юқори ўринларга даъвогарлик қила олмаслиги тобора ойдинлашиб бормоқда. Лекин “Арсенал” ўз майдонида ўтказилган учрашувларда мусобақа жадвалида ўзидан анча юқорида турган “Динамо” ва “Сочи”ни ер тишлатди. Мухлислари гувоҳлигида “Ахмат” ва “Химки”дан биттадан очко олди. Саккиз очко жамғарган бу жамоа ҳозирча 12-ўринда бормоқда.

“Ростов”нинг миллий чемпионатдаги ишлари мезбонларникидан яхшироқ. Карпин шогирдлари “Тамбов”, “Уфа”, “Урал”, “Ротор”ни енгиб, “Краснодар” ва “Локомотив” жамоалари билан дуранг ўйнади. Бироқ, мамлакат чемпиони “Зенит” ва юқори ўринларга даъвогарлик қилаётган “Динамо”га ростовликларнинг кучи етмади. Айни пайтда “Ростов” 14 очко билан еттинчи поғонадан жой олган.

“Арсенал” ва “Ростов” Россия премьер-лигаси доирасида жами 10 маротаба ўзаро куч синашган. Устунлик ростовликлар томонида. Шомуродовнинг жамоаси тўрттадан ғалаба ва дуранг қайд этган, иккита учрашувда “Арсенал” ўз номига яраша натижа кўрсатган.

Ўтган мавсумдаги “Ростов” тулаликлардан олти очко олишга муваффақ бўлган. Айниқса, Туладаги баҳс кескин ва муросасиз курашлар остида ўтиб, дарвозаларга бешта тўп киритилган. Тулаликлар 2:3 ҳисобида якунланган беллашувда рақибнинг учинчи голини Элдор Шомуродов уриб, ростовликларнинг ғалабасини таъминлаб берганини ҳали унутгани йўқ.

Бугунги учрашув ҳам мухлису мутахассислар диққат марказида. Қолаверса, биз учун муҳими, “Ростов”нинг асосий ҳужумчиси вазифасини бажараётган Элдор Шомуродов Европа Лигасида “Маккаби Хайфа” дарвозасини ишғол қилиб, 208 кун давом этган голсиз сериясига барҳам берди. Энди Элдорнинг мухлислари ҳақли равишда ундан ўтган йилдаги каби голлар шодасини кута бошлади.

“Арсенал” – “Ростов” учрашуви Тошкент вақти билан 16:00да бошланади.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • «Ростов» Элдор Шомуродовни сотишга қарор қилди 23 июл, 17:08
  • РПЛ. "Ростов" "Арсенал"ни енгди, Шомуродовдан ассист 28 июн, 06:50
  • Шомуродов майдонга қайтмоқда 26 июн, 06:28
  • Элдор Шомуродов учун Германия клуби 15 миллион евро бермоқчи 03 янв, 11:25
  • Алишер Усмонов Европа лигасида иштирок этадиган рус клубига 9,5 млн доллар ҳадя қилди 28 июн, 12:56
  • Элдор Шомуродов Россия Премьер-лигасида дебют қилди ва жамоаси зафар қучди 30 июл, 20:12
  • Сўнгги янгиликлар
  • Алиев Қорабоғнинг назорат қилинадиган қисмида вақтинчалик маъмурият тузди 31 окт, 17:39 76
  • Фақат арманилар учун қолган Арманистон 31 окт, 17:00 294
  • Стратегик мақсад: таълим-тарбия соҳасини кескин ўзгаришлар кутмоқда 31 окт, 16:27 157
  • Тергов қўмитаси коронавирусдан вафот этган беморларнинг ўлими юзасидан жиноий иш очди 31 окт, 15:53 496
  • Коронавирус энг осон кўпаядиган манба маълум бўлди 31 окт, 15:20 463
  • Никоҳ учун мажбуран ўғирланган 24 ёшли қиз ИИБга мурожаат қилди 31 окт, 14:47 436
  • Андижонлик аёл тўрт эгизакни дунёга келтирди 31 окт, 14:13 358
  • Энди Тошкент шаҳри ва Тошкент вилоятида доимий рўйхатдан ўтиш онлайн тарзда расмийлаштирилиши мумкин 31 окт, 13:39 174
  • «Ўзбекистондаги 50 йиллик тизим секин-секин йўқ бўлиб кетди» — Шавкат Мирзиёев 31 окт, 13:06 435
  • «Янги Ўзбекистондаги эски Ўзбекистонга ‘ғалаба’ муборак» — Расул Кушербаев UzAuto Motors’нинг судда ютиб чиққанига муносабат билдирди 31 окт, 12:30 820
  • Ҳабиб Нурмагомедов спортни тарк этишининг яна бир сабабини маълум қилди 31 окт, 12:00 833
  • Европада Россия ва Хитойда ишлаб чиқилган вакциналарни қўллаш рад этилди 31 окт, 11:30 332
  • Бўлимлар