Мажбурий ижро бюросининг Тошкент вилояти Зангиота тумани бўлими иш юритувида Зангиота туманлараро иқтисодий судининг ижро варақасига асосан, қарздор "Қурилиш Сайқал Бизнес" МЧЖ дан, ундирувчи "Бютифул Сунсет" МЧЖ фойдасига 194.528.421 сўм қарздорлик ундириш туғрисидаги ижро ҳужжати келиб тушган.Бўлим давлат ижрочилари томонидан, Ўзбекистон Республикаси "Суд ҳужжатлари ва бошка органлар ҳужжатларини ижро этиш тўғрисида"ги Қонуннинг 23-моддасига асосан ижро иши юритишни кўзғатиш тўғрисида қарор қабул қилинган.
Мажбурий ижро ҳаракатлари давомида қарздорнинг дебитор қарздорлиги аниқланган ва ундирув инкассо топшириқномаси орқали Қонуннинг тегишли моддаларига асосан амалда ундирилган.