Спортчиларнинг пандемия даврида «инстаграм» орқали қанча даромад кўргани маълум бўлди, дея ёзмоқда Daily Mail.Ушбу ижтимоий тармоқ 12 мартдан 14 майгача уч нафар футболчи - Криштиану Роналду, Лионель Месси ва Неймарни янада бойитди.
Бу футболчиларнинг ҳар бири ушбу давр ичида ҳомий ва ҳамкорларнинг 4тадан реклама постини эълон қилди. 219 миллион нафар обуначига эга бўлган Роналдуга бу рекламалар 2,1 миллион евро фойда келтирган бўлса, 151 миллион нафар обуначига эга бўлган Месси 1,45 миллион евро, Неймар эса (138 млн обуначи) 1,33 миллион евро даромад топди. Хусусан, португалияликнинг битта реклама пости унга ўртача 526 минг евро, аргентиналикка – 363 минг, бразилиялик футболчига эса 333 минг евро маблағ келтирган.